خلق‌ارا میدیالر نینگ معلوماتی اساسیده، داعش گروهی یک‌شنبه کونی، ۸ اسد/۳۰ جولای، پاکستان ده سیاسی ییغیلیش ده اویوشتیریلگن خودکش هجوم مسئولیتینی تن آلگن.
معلومات‌لر گه بناً، اوشبو گروه اوتگن کونی تلگرامی ده ترقه‌تگن بیانیه‌سیده، پاکستان ده «اسلام عالم‌لری جمعیتی» حزبی طرفدارلری نینگ ییغیلیشی ده اویوشتیریلگن خودکش هجوم، اولر نینگ ایشی ایکن‌لیگینی معلوم قیلگن.
بیزلرنینگ فیسبوک صحیفه‌میزگه باش اورینگ!
بیانیه ده کیلیشیچه، مذکور گروه نینگ بیر اعضاسی، انتحاری واسکتی بیلن جمعیت اورته‌سیده اوزینی پارتلتگن.
عین‌حالده، پاکستان پولیسی گه کوره، اوشبو خودکش هجوم طفیلی ۵۴ کیشی قربان بولگن و اولر نینگ قریب یریمی ۱۸ یاشنی تولدیرمه‌گن اوسمیر باله‌لر دیر و شونینگدیک، مذکور هجوم ده باشقه اونلب کیشی یره‌لنگن.
بیزلرنینگ توییترده هم تعقیب قیلینگ!
اوشبو خودکش هجوم، یک‌شنبه کونی، ۸ اسد/۳۰ جولای، پاکستان شمال‌غربی ده خیبرپختونخوا ایالتی باجور تومنیده، مولانا فضل‌الرحمان ییتکچیلیگیده «اسلام عالم‌لری جمعیتی» حزبی طرفدارلری نینگ ییغیلیشی ده اویوشتیریلگن.