پاکستان میدیالری نینگ معلوماتی اساسیده، شنبه کونی، ۶ جوزا/۲۷ می، اوشبو مملکت نینگ شمالی حدودلری «گیلگیت» تاغلی منطقه‌سیده قار کوچیشی عاقبتیده، کمیده ۱۱ کیشی هلاک بولیب و باشقه ۱۳ کیشی یره‌لنگن.
معلومات‌لر گه بناً، مذکور واقعه قربانی‌لری کوچی‌لر دیر.
بیزلرنینگ فیسبوک صحیفه‌میزگه باش اورینگ!
پاکستان باش وزیری شهباز شریف مذکور واقعه دن کیین بیر بیانیه ترقه‌تیب ایتیشیچه: «پاکستان ده اقلیم اوزگریشی باعث بو گَل طبیعی واقعه‌لر کوپه‌یگن دیر.»
شهباز شریف دنیا همجمعیت دن، آب‌وهوا اوزگریشی باعث اقتصادی قیینچیلیک بیلن دوچ بولگن مملکت‌لر گه یاردم بیریشینی سوره‌گن.
عین‌حالده، پاکستان پولیسی ییریک قوماندان‌لریدن بیری زیارت علی، اولگن‌لر آره‌سیده تورت عیال و تورت یاشر بیر باله بولگنینی ایتگن.
بیزلرنینگ توییترده هم تعقیب قیلینگ!
پاکستان ده سونگی ییل‌لرده موسومی یاغینگرچیلیکلر طفیلی انده_سنده بو گَل واقعه‌لر یوز بیریب و مذکور مملکت فقرالریدن قربان‌لیک آلماقده. شونینگدیک پاکستان؛ طبیعی آفت‌لر خوفی بیلن دوچ بولگن ۱۰ مملکت ارا شامل دیر.