افغانستان سرپرست حکومت تشقی ایشلر وزیرلیگی، ۲۷-حمل، چهارشنبه بیر بیانیه ترقهتیش بیلن ایتیشیچه، پاکستان تشقی ایشلر وزیری و باش وزیری اورینباسری محمد اسحاقدار، یقینده کابل گه کیلهدی.
بو موضوع، اوتگن کون افغانستان اوچون پاکستان مخصوص وکیلی محمد صادق بیلن تشقی ایشلر وزیرلیگی سرپرستی امیرخان متقینینگ اوچرهشگنیده بیان بولگن.
بیزلرنینگ «ایکس» ترماغی ده هم تعقیب قیلینگ!
افغانستان اوچون پاکستان مخصوص وکیلی، بو اوچرهشووده مذکور سفرنینگ ایکی تامان اوچون ایجابی نتیجهسی بولیشی توغریسیده امیدوارلیک قیلگن.
اوشبو بیانیهده کیلیشیچه، امیرخان متقی مذکور اوچرهشووده حاضرگی وضعیت حقیده صحبت قیلیب، افغانستان و پاکستان آرهسیدهگی مناسبتلر و ایکی مملکت آرهسیدهگی مسئلهلردن قطاری جملهدن قاچقینلرنینگ چیقریلیشی توغریسیده خواطر بیلدیرگن.
متقینینگ ایتیشیچه، ایکی مملکت مسئلهلرینی ایشانچ فضاسیده و صحبت قیلیش آرقهلی حل قیلیشلری و اهالی اذیت بولیشی همده اولرنینگ حس-تویغولرینی تحریک قیلیشیگه سبب بولهدیگن هر قندهی اقدام و بیاناتدن واز کیچیشلری کیرهک.
محمد صادق گه کوره، افغانستان و پاکستان بیر بیری بیلن چقور علاقهلرگه ایگه بولیب و اورته گه کیلگن قیینچیلیکلرنینگ قندهی حل بولینیشی تیکشیریلیشی کیرهک.
محمد صادق، اوتگن کونی ایرتهلب بیر هیئت باشچیلیگیده کابل گه کیلدی. او اکس صحیفهسیده بیر پیام آرقهلی اوشبو سفردن مقصد افغانستان و پاکستان قوشمه هماهنگلیک کمیته ییغیلیشیگه شرکت قیلیش دیگن.
شونینگدیک اوتگن کونی سرپرست حکومت سوزلاوچیسی ذبیحالله مجاهدنینگ اعلام قیلیشچیه، افغانستان و پاکستان آرهسیدهگی قوشمه ییغیلیش بوگون کابل ده «قوشمه هماهنگلیک کمیتهسی» عنوانیده اوتکزیلهدی.
بیزلرنینگ فیسبوک صحیفهمیزگه باش اورینگ!
اونگه کوره، ایکی مملکت اورتهسیدهگی ییغیلیشنی پاکستاننینگ افغانستان اوچون مخصوص وکیلی محمدصادق خان و افغانستان تامانیدن مدافعه وزیرلیگی اورین باسری عبدالقیوم ذاکر رهبریت قیلهدی.
سرپرست حکومت سوزلاوچیسینینگ کوپهیتیریشیچه، بو ییغیلیشده «دیورند چیزیغیده احتمالی جنجللرنی حل قیلیش و ایکی تاماندهگی کیشیلرگه آسایشتهلیک یرهتیلیش» حقیده صحبت قیلینیش ممکن.
