پاکستان‌لیک ییتکرمه‌لر اوشبو مملکت نینگ دولتی رسمی‌لریدن نقل قیلیب گزارش بیریشیچه، جاری میلادی ییل ۲۱-جولای‌‌دن ۱۷-آگست‌گه قدر پاکستان ۳۲ مینگ ۲۰۰ افغانستان یشاوچیسی نی چیقرگن.
پاکستان دولتی رادیو-تلویزیونی اوتگن کون (یک‌شنبه، ۲۸-اسد)، بیر گزارش ترقه‌تیش بیلن ایتیشیچه، افغانستان‌لیک ناقانونی قاچقینلر نینگ جبری شکلده چیقریلیش پروسه‌سی باشلنگنی‌دن بویان، قریب ۷۰۰ مینگ افغانستان‌لیک قاچقین مذکور مملکت‌دن چیقریلگن.
بیزلرنینگ «ایکس» ترماغی ده هم تعقیب قیلینگ!
مذکور ییتکرمه ییتکرمه نینگ کوپه‌یتیریشیچه: «توپلم شکلده حاضرگچه ۶۹۱ مینگ ۸۵۳ افغانستان‌لیک قاچقین مملکت گه قیتریلگن. افغانستان‌لیکلر نینگ داوطلب‌لیک شکلده مملکت گه قیتیشلری تحسین گه لایق دیر و ایکی مملکت اوچون ایجابی نتیجه‌سی بولیشی ممکن.»
شونینگدیک پاکستان دولتی نینگ اورغولشیچه، مذکور مملکت‌دن افغانستان‌لیک قاچقینلر چیقریلیش پروسه‌سی نینگ حاضرگچه دوامی بار.
باشقه بیر تاماندن، پاکستان دن چیقریلگن افغانستان‌لیک قاچقینلردن قطاری افغانستان ده، ایش فرصت‌لری یوقلیگی، باش‌پنه‌سیزلیک و عایله نیازلری نی تامین‌لش خصوصیده امکانیت‌سیزلیک‌دن شکایت قیله‌دیلر.
بیش آی آلدین پاکستان قیتریلگن لغمان یشاوچیسی احمد‌شاه نینگ ایتیشیچه، ۱۰ کیشی‌لیک عایله خره‌جتی نی تامین‌لش خصوصیده امکانیت‌سیزلیک سبب، افسرده‌لیککه چلینگن. اونینگ کوپه‌یتیریشیچه: «حاضرگچه هیچ کیم بیزگه یاردم بیرمه‌گن. عایله‌ده ۱۰ کیشی‌میز و ایش یوق. اولر نینگ خره‌جتینی تامین قیله آلمه‌یمن و حیات هم جوده زور.»
شونینگدیک ننگرهار یشاوچیسی بولمیش حضرت‌ولی نینگ ایتیشیچه، سکیز آی آلدین پاکستان دن چیقریلیب و حاضرگچه ایش تاپه آلمه‌گن. «پاکستان دن قیتگنیمیزدن ۸ آی بوله‌دی. پاکستان دن قیتگنیمیزده تورخم ده یاردم بیرگن ایدیلر و اوندن کیین ایسه هیچ کیم یاردم بیرمه‌گن و شو رقم هیچ کیم وضعیتیمیز نی سوره‌گنی هم یوق. ایش هم یوق و بوش قول بیلن اویگه باره‌من. حیات هم کوپ قیین اوته‌دی.»
بیزلرنینگ فیسبوک صحیفه‌میزگه باش اورینگ!
باشقه بیر تاماندن، قاچقینلر وزیرلیگی تامانیدن ینگی‌لیکده ترقه‌تیلگن معلومات گه اساس، اوتگن بیر ییل‌ده قریب بیر میلیون ۷۰۰ مینگ افغانستان‌لیک قاچقین ایران، پاکستان، تورکیه و باشقه بیر قطار مملکتلردن افغانستان گه قیتگن.
ایتیش کیره‌ک که، پاکستان دن افغانستان‌لیک قاچقینلر نینگ جبری شکلده چیقریلیش پروسه‌سی باشلنمه‌گندن آلدین، تورت میلیون‌دن آرتیق افغانستان‌لیک قاچقین پاکستان ده حیات کیچیره‌ر ایکن که پاکستان دولتی گه کوره، اولر ارا قریب ۱.۷ میلیون کیشی قانونی حجتلری بولمس‌دن بو مملکت‌ده حیات کیچیره‌ر ایکنلر.
