اورمانلر کیسیلیشی، قوروقچیلیک و هوا افلاسلیگی کبی جدی یشش محیط تهدیدلری بولگنی بیرحالده، یاشلردن قطاری کوچت ایکیش، تاغ اوسیملیکلری اوروغینی ییغیش و اهالیگه آگاهیلیک بیریش بیلن افغانستان اوچون برقرار و یشیل کیلهجکنی توزهتیش مقصد سعیوحرکت قیلماقدهلر.
دایکندی، بدخشان، بامیان، میدانوردک، غزنی، غور، سمنگان، بغلان و کابل ولایتلریده کوچت ایکیش بوییچه کونگللی ۲۰ باش بیلن اوتکزیلگن صحبتلر شونی کورستهدی که، مذکور یاشلر مسئولیت حسی و انسانی تعهد بیلن طبیعتنی سقلشده اوز حصهلرینی قوشگنلر. بو سعیوحرکتلر کوپراق کونگللی روشده و کینگ کولملی قوللب-قوتلشسیز عملگه آشیریلماقده.
بیر ییلدن بیری کونگللی شکلده یشش محیط یشیللیگی توغریسیده فعالیت قیلهدیگن دایکندی یشاوچیسی بولمیش ۳۵ یاشر رضا جعفرینینگ ایتیشیچه: «کونگللی ایشلرگه یوز کیلتیرگنیمیز اصلی سببی بو ایدی که مملکتیمیزنی هر طرفی قیغو بیلن اورمانسیز و اوسیملیکسیز بولگن. آگاهیسیزلیگی سبب، اهالی تاغلردهگی اورمانلردن حددن تشقی فایدهلنگنلر.»
تورت ییلدن بیری یشش محیط بوییچه فعالیتلریده اشتراکی بولگن کابل یشاوچیسی ۲۴ یاشر هلمند عثمانینینگ ایتیشیچه، کینگ کولملی هوا افلاسلیگی، یشیل محیط کمهیشی، اهالینینگ توجهسیزلیگی و تاغ اورمانلریدن حددن تشقی فایدهلنیشلر سبب، بو بولیمده فعالیت قیلگن. «هوا افلاسلیگی و یشیل فضا کملیگی کبی جمعیتنینگ یشش محیطی قیینچیلیکلری سبب، کونگللی بیر کیشی صفتیده یشش محیطنی سقلش بولیمیده فعالیت قیلیشگه قرار آلدیم.»
شونینگدیک تاغ اوروغینی ییغیش و یشش محیطنی سقلش بوییچه اهالیگه آگاهیلیک بیریش بولیمیده فعالیت قیلهدیگن بامیان یشاوچیسی بولمیش ۳۸ یاشر محمدنسیم حسینزادهنینگ ایتیشیچه: «تاغ اوروغلرینی ییغیش، پاکتلش، نرسه ایکیش بوییچه قیزیققنلرگه اولرنی ترقهتیش بولیمیده فعالیت قیلگنمیز. بامیان ولایتی بویلب، تومنلر و تورلی قیشلاقلرده اهالیگه آگاهیلیک بیرگنمیز.»
شونینگدیک بو بولیمده فعالیت قیلهدیگنلر غزنیلیک ۳۰ یاشر سلیم جمیلیگه کوره: «یشش محیطنی پاک سقلش توغریسیده اهالی آگاهیلیگینی آشیرگنمیز. کوچت ایکیش، یششمحیط و کوچهلرنی پاک سقلش همده چیقیندیلر بوییچه برنامهلرده یاشلر بیلن ایشلهگنمیز.»
شوندهی بیرحادلده، مذکور ییگیتلرنینگ ایتیشلریچه، امکانیت کملیگی، مالی و فنی حمایت یوقلیگی و شونینگدیک اهالی آگاهیلیک سطحی کملیگی، اولرنینگ روپهره بولگن اینگ مهم قیینچیلیکلردن دیر.
بامیان یشاوچیسی ۳۳ یاشر محمدزمان باهنرنینگ ایتیشیچه: «روپهره بولگنیمیز قیینچیلیکلر بیری شو که ییترلی شکلده جمغرمهلر آرقهلی حمایت بولمهیمیز. ییترلی امکانیتیمیز یوق و باشقه قیینچیلیک ایسه اهالی آگاهیلیگی سطحی کملیگی دیر.»
شونینگدیک بدخشان یشاوچیسی بولمیش احمدسجادنینگ ایتیشیچه: «قیینچیلیکلر ایسه امکانیت یوقلیگی و اهالینینگ حمایت قیلمسلیگی دیر. یشش محیط برچه کیشینینگ توجه قرهتیشیگه نیازی بار. نهاد و اهالی آرقهلی قوللب-قوتلنیشی کیرهک که یشش محیط یخشیلنیشی حقیدهگی فکرلر و برنامهلر عملگه آشیریلسه.»
شوندهی بیرحالده، یشش محیط ایش بیلرمانلری، یشش محیط توغریسیده کونگللی یاشلرنینگ اورنینی مهم دیب و ایتیشلریچه، کوچت ایکیش، محیطنی تازهلش و آگاهیلیک بیریش کبی ساده اقداملر بیلن، آگاهیلیک بیریش و مسئولیت بوینیگه آلیشنی کوچلنتیریش یشش محیط یشیللیگی و پاکلیگیده ایجابی اوزگریشلرنی اورته گه کیلتیریشی ممکن.
اولرنینگ ایشانچیگه کوره، یشش محیط بوییچه توپلم فعالیتلر و کمپاینلر، طبیعتنی سقلشده اهالینینگ کینگ کولملی قوشیلیش زمینهسینی یرهته آلهدی.
بو توغریده یشش محیط بیلرمانی اسحاق وکیلینینگ ایتیشیچه: «کوچت ایکیش، محیطنی پاک سقلش، باشقهلرگه آگاهیلیک بیریش کبی ساده بیراق فایدهلی ایشلر بیلن یاشلر آگاه بولیب و مسئولیتنی بویینلریگه آلگنلریده، یشش محیط اوزگریشیگه سبب بوله آلهدیلر. توپلم فعالیتلر و یشش محیط بوییچه کمپاینلر فایدهلی دیر. حددن تشقی فایدهلنیش کمهیشی اوچون تغییرنی اوزیمیزدن باشلهشیمیز لازم. سوو و برقدن آزراق فایدهلنیب و پلاستیکدن کوپ فایدهلنمسلیگیمیز کیرهک.»
ایکینچیلیک، سووغاریش و چاروهچیلیک وزیرلیگی مسئوللرینینگ ایتیشلریچه، اولر مملکت بویلب اورمان کیسیلیشی و قاچاقی آلدینی آلگنلر. حاضر ایسه افغانستان بویلب قریب ایکی میلیون هکتار ییرده اورمانلر بولیب، افغانستان توپراغینینگ ۲.۸ دن آرتیق فایزینی تشکیل بیرهدی. ایکینچیلیک، سووغاریش و چاروهچیلیک وزیرلیگی اطلاعات باشلیغی شیرمحمد حاتمینینگ ایتیشیچه، یشش محیطنی سقلش اوچون آگاهیلیک بیریش دستورلرینی اوتکزگنلر.
جناب حاتمینینگ کوپهیتیریشیچه: «اورمانلرنی سقلش و حددن تشقی اورمانلر کیسیلیشی آلدی آلینیشی مقصد، ایکینچیلیک وزیرلیگی اورمانی بولگن ولایتلرده کینگ کولملی آگاهیلیک بیریلیش دستورلرینی اوتکزگن که اهالی اسلام امیرلیگی بیلن همکارلیکده، اورمانلر سقلهنیشیگه فعال حصه قوشسهلر.»
یشش محیطنی سقلش ملی اداره مسئوللرینینگ ایتیشلریچه، کونگللی شکلده یشش محیطنی سقلش اوچون مملکت تورلی بولیمیدن یاشلرنی جذب قیلیش بوییچه مخصوص برنامهلر نظرگه آلینگن.
یشش محیطنی سقلش ملی اداره سوزلاوچیسی محبالله بهارنینگ ایتیشیچه، اوشبو اداره اوتگن ییل یشش محیطنی سقلش توغریسیده اهالینینگ آگاهیلیک قولگه کیلتیریشی اوچون مملکت بویلب قریب ۱۷۰۰ دستور، لایحه و سیمینار اوتکزگن. «عامه آگاهیلیک بیریش بولیمیده، یشش محیطنی سقلش ملی ادارهسی یالغیز اوتگن ییل مملکت بویلب قریب ۱۷۰۰ دستور، لایحه، ورکشاب و تورلی سیمینارلرنی اوتکزگن. اوشبو برنامهلرده، آگاهیلیک بیریش زمینهسیده فعالیتلر عملگه آشیریلگن که اهالی توجهسی یشش محیطگه قرهتیلیب و تشویق بولسهلر.»
شونینگدیک کابل بلدیهسی مسئوللرینینگ ایتیشلریچه، ۱۴۰۵-ییل باشلنگنی سبب کوکلم موسومی کوچت ایمیش کمپاینی ۱۵ کون آلدین باشلهنیب و حمل آیی یکونیگچه دوامی بار. کابل بلدیهسی فرهنگی ایشلر بوییچه مصلحتچیسی نعمتالله بارکزینینگ ایتیشیچه، کابل بلدیهسی شهر بویلب قریب میلیونلب کوچت و زینتی گل بتهلر ایکیلیشینی نظرگه آلگن.
بارکزینینگ کوپهیتیریشیچه: «کابل بلدیهسی شهر بویلب قریب بیر میلیون کوچت و زینتی گل بتهلرنی ایکهدی و اهالی، یاشلر همده تورلی کیشینینگ همکارلیگی بیزلر اوچون مهم دیر. کابل شهری تورلی بولیملریده کوچت آلیشگه امکانیتی بولگن کیشیلر کابل بلدیهسی کمپاینی بیلن همکار بولدیلر و حتا یاشلردن قطاری کوچت ایکیش اوچون بیلنی قوللریگه آلیب و بیزلر بیلن همکارلیک قیلدیلر.»
شوندهی بیرحالده، بیرلشگن ملتلر تشکیلاتی ترقیاتی دستوری، ۲۰۲۵-ییل گزارشیده، اقلیم اوزگریشلری برابریده افغانستاننینگ جبرلنهدیگن ۱۰ مملکت آرهسیده بولگنی همده کانالیزاسیون و سوو منبعلری ضعیف مدیریت بولیشی بیلن یشیل ساحهلر کملیگی، بو مملکت یشاوچیلری ساغلیگی و حیاتینینگ تهدید قیلیشینی معلوم قیلگن.
