خلق‌ارا بریل خطی (world Braille Day) کونی بیلن، کوزدن عاجز کیشیلردن بیرقطاری، تعلیم و ایش فرصت‌لریدن فایده‌لنه آلمسلیک‌دن نالیب و سرپرست حکومت‌دن آیلیک حقوقلری کوپه‌یتیریلیشی و ایش امکانیت‌لری یره‌تیلیشینی سوره‌گنلر.
کابل‌لیک و کوزدن عاجز سیر عمری گه کوره، حکومت تامانیدن آیلیک حقوقی ۳۰۰۰ افغانی تعیینلنگن و هر ییلی تولنیله‌دی؛ عمری‌نینگ ایشانچی گه کوره، بو مقدار پول اۉزی و عایله اعضالری‌نینگ احتیاجلرینی تأمینلش اوچون یېترلی اېمس.
بیزلرنینگ فیسبوک صحیفه‌میزگه باش اورینگ!
شونینگدیک، افغانستان کوزدن عاجزلرنینگ اجتماعی خذمت‌لر موسسه مسئوللری، کوزدن عاجزلر اوچون ایش امکانیتی یوق‌لیگیدن نالیب و اولرنینگ آیلیک حقوقی آزلیگینی معلوم قیله‌دی.
اوشبو موسسه باشلیغی و اۉزی کوزدن عاجز احمدفرید عزیز، سرپرست حکومت‌دن کوزدن عاجز کیشیلرنینگ آیلیک حقوقینی آشیریش یانیده، جمعیت‌ده اولرنینگ فعال حضوری اوچون امکانیت یره‌تیب بیریشینی اېسته‌یدی.
بیزلرنینگ «ایکس» ترماغی ده هم تعقیب قیلینگ!
عین‌حالده، سرپرست حکومت تخنیکی و مسلکی تعلیمات اداره مسئوللری، حاضرگی کونده کوزدن عاجزلر گه عاید ۲۰ مکتب فعال دیر و بو مکتب‌لرده ۹۴۰ اوغیل لیسه باسقیچی و ۴۰۰ قیز آلتینچی صنف‌گچه اوقیش بیلن مصروف‌لیگینی اېته‌دی.
۴ جنوری، میلادی ۲۰۱۸-ییل‌ده بیرلشگن ملتلر تشکیلاتی تامانیدن خلق‌ارا بریل خطی آتیده مسما بولدی و اوندن سۉنگ، هر ییلی اوشبو کوندن کوزدن عاجز کیشیلرنینگ بوتون حقوقی کم‌سیتیلمسلیگی و بو خط اهمیتی باره‌سیده آگاهی‌لیکنی آشیریش مقصدیده نشانلنه‌دی.
