پروان ده چاروهچیلردن قطارینینگ ایتیشلریچه، هوا اوزگریشلری و بو وضعیت عاقبتلری بیلن قرشی کورهش یوللری حقیده آگاهیلیکلری یوقلیگی، اولرنینگ جبرلنیشلری گه سبب بولگن.
پروان ده چاروهچیلردن بیری گلپادشاه جلیلینینگ ایتیشیچه، سونگی ییللرده قوروقچیلیک و ییلاولرنینگ اورتهدن کیتیشی سبب، چاروهلریدن بیر قطارینی ساتگن. اونینگ کوپهیتیریشیچه: «یامغیر بولمسه اوت هم یوق و چاروهچیلر زیان کورهدی. بو وضعیتنینگ حل بولیشی و سیگیرلر سوتی کوپهیشیگه سبب بولهدیگن نرسهلرنینگ ترقهتیلیشی کیرهک.»
بیزلرنینگ «ایکس» ترماغی ده هم تعقیب قیلینگ!
پروان ده چاروهچیلردن باشقه بیری سهرابنینگ ایتیشیچه، هوا اوزگریشلری و درآمدی کمهیگنی سبب، حیاتینینگ دستلبکی نیازلرینی کوپ قیین بیر شکلده تامین قیلهدی. «قوروقچیلیکلر ییلاولرنینگ اورتهدن کیتیشیگه سبب بولدی؛ ییلاو بولمهگنی صورتده، چاروهچیلر چاروهلر ییمینی تامینلشده قیینچیلیک بیلن روپهره بولهدیلر؛ قار و یامغیر سووینی ذخیره قیلیش ییر آستی سوو منبعلری کوچلنیشیگه یاردم بیرهدی.»
مذکور چاروهدارلر پروان ایکینچیلیک، سووغاریش و چاروهچیلیک ریاستیدن اولرنینگ جبرلنیشی کمهیشی اوچون هوا اوزگریشلری عاقبتلری خصوصیده جدیراق اقداملرنی عملگه آشیریشلرینی ایستهگنلر.
افغانستان، هوا اوزگریشلریدن جبرلنهدیگن آلتینچی مملکت بولیب و بو اوزگریشلر، ییلده اوشبو مملکتنینگ ایکینچیلیک و چاروهچیلیک سکتوریگه ۲۸۰ میلیون دالر زیان ییتیشتیرهدی.
پروان ایکینچیلیک، سووغاریش و چاروهچیلیک ریاستینینگ ایکینچیلیک بوییچه آمری نیازمحمد تایبگه کوره، اوشبو ریاست هوا اوزگرشلری طفیلی زیانلر کمهیشی اوچون بیر قطار برنامهلرنی قولگه آلگن. «چاروهچیلر قیینچیلیگی حل بولیشی اوچون همکار نهادلر بیلن علاقهدهمیز. ۱۴۰۲- و ۱۴۰۳-ییللرده ناروی لایحهلری آرقهلی نیچه تُن ماده چاروهچیلر گه ترقهتیلدی و اونینگ یانیده فنی تیملریمیز چاروهچیلر گه مصلحت بیریش توغریسیده هم تیار دیر.»
بیزلرنینگ فیسبوک صحیفهمیزگه باش اورینگ!
چاورهچیلیک ایشلری بوییچه ایش بیلرمان و بیلیم یورت استادی محمودالله راسخگه کوره، سوو منبعلرینی مدیریت قیلیش، سوولرنی ذخیره قیلیش و چاروهچیلر گه فنی مصلحت بیریش بیلن، هوا اوزگریشلری طفیلی تاثیرلرنینگ کمهیتیریش ممکن. «متخصص تیملر و آز و کوپ وقتلی تعلیمی کورسلر یوقلیگی و عاجل منبعلر و جهازلر کملیگی، چاروهچیلر قیینچیلیگی کوپهیشیگه سبب بولگن و بحرانی وضعیتلرده چاروهلر ییمی تامینلنیشی اوچون بدیل منبعلرنینگ نظرگه آلینیشی کیرهک.»
ایکینچیلیک و چاروهچیلیک سکتوری، افغانستاننینگ اقتصادی اونملی منبعلریدن بولیب و عایلهلردن کمیده ۷۵ فایزی بو بولیمده ایشلش بیلن آزیق-آوقت و باشقه نیازلرینی تامینلهیدیلر.
