پروان و غزنی امنیتی و محلی مسئوللری، اوشبو ولایت‌لرده یوز بیرگن علیحده اوچ ترافیکی واقعه ده، تورت کیشی هلاک بولیب و باشقه ایکی کیشی یره‌لنگنینی تصدیقله‌گنلر.
پروان ترافیک اداره‌سی نینگ ترافیکی واقعه‌لرنی تیکشیریش آمری عبدالحمید محمدی نینگ سلام‌وطندار گه ایتیشیچه، بوگون (سه‌شنبه، ۲ جوزا) اوشبو ولایت نینگ شینواری تومنی «باغ افغان» قیشلاغی حدودلریده «کرولا» رسوملی بیر موتر یول دن چیقیب دره‌ی غوربند دریاسی گه قوله‌گن.
بیزلرنینگ فیسبوک صحیفه‌میزگه باش اورینگ!
عبدالحمید محمدی نینگ کوپه‌یتیریشیچه، موترده‌گی‌لر بیر عایله اعضالری بولیب و کابل دن سیاه‌گرد تومنی گه بارماقده ایکن، نتیجه ده بیر عیال هلاک بولیب و باشقه ایکی کیشی یره‌لنگنلر.
پروان ترافیک اداره‌سی نینگ ترافیکی واقعه‌لرنی تیکشیریش آمری گه کوره، هیداوچی نینگ دقت‌سیزلیگی باعث واقعه یوز بیریب و حادثه طفیلی یره‌لنگنلر پروان ملکی کسلخانه‌سیگه انتقال بیریلگن.
باشقه تاماندن، غزنی امنیه قوماندان‌لیگی سوزلاوچیسی خالد سرحدی نینگ سلام‌وطندار گه ایتیشیچه، دوشنبه کونی، ۱ جوزا، عصر چاغی، مذکور ولایت مرکزی «قلعه‌ی قدم» منطقه‌سیده ایکی موتر سایکل توقنه‌شووی عاقبتیده، ایکی یاش ییگیت هلاک بولگنلر.
بیزلرنینگ توییترده هم تعقیب قیلینگ!
شونینگدیک، اوشبو ولایت نینگ اندر تومنی «بازار میری» منطقه‌سیده بیر موتر سایکل قولشی باعث بیر کیشی هلاک بولگن.
ایتیش کیره‌ک که، سونگی کون‌لرده مملکت نینگ قطار ولایت‌لری ده یوللر بوزوق‌لیگی و هیداوچیلر نینگ دقت‌سیزلیگی باعث ترافیکی حادثه‌لر یوز بیریب و یشاوچیلردن قربان‌لیک آلماقده.
