انچه ییل دن بویان اولکه یشاوچیلریدن بیرقطاری، دارولرنی قنده‌ی‌لیگی و صفتی گه اعتبار بیرمسدن اولرنی استعمال قیلیب کیلماقده. شو بیلن بیرگه، دارولرنی اوز باشیمچه‌لیک روشده استعمال قیلیش ایریم خطرلر گه دوچ قیلیب حتا علاج‌سیز کسل‌لیککه یولیق‌تیریشی ممکن. پروان مرکزی چاریکار شهری بیرقطار یشاوچیلری آره‌سیده، اوز باشیمچه‌لیک شکلده دارولرنی استعمال قیلیش، کتته قیینچیلیککه اوزگریب قالگن.
چاریکار شهری یشاوچیلریدن بیرقطاری نینگ ایتیشلریچه، کمبغل‌لیک، اقتصادی قیینچیلیک و آگاهی‌سیزلیک باعث، قطار کیشی‌لر دارولرنی خطری گه اعتبار بیرمسدن استعمال قیلیب کیلیشی، مذکور ولایت یشاوچیلری نینگ بویره‌ک کسل‌لیگیگه چلینیشی گه سبب بولگن. ۳۱ یاشر زین‌الدین پروانی گه کوره، شفاکارلر نینگ نظرینی سوره‌مسدن داروخانه‌لردن دارو آلیب و استعمال قیلگن.
حاضر بیر بویره‌گینی قولدن بیرگن زین‌الدین، قیینچیلیک‌لری خصوصیده بونده‌ی دیدی: «اونگ بویره‌گیم گه آغریق سیزدیم، شفاکار گه مراجعت قیلدیم، تیکشیریش دن کیین بویره‌گیم گه تاش بارلیگی معلوم بولدی. بویره‌گیم ده‌گی تاش کونسه‌یین کتتردی، شفاکارلر بیر کیلوگرام آغیرلیک نی کوترمس‌لیک، یوگورمسلیک، قاوریلگن گوشت، پالک و لبنیات نی بوتونلی استعمال قیلمسلیک و قینه‌تیلگن سوو کوپ ایچیش اوچون مصلحت بیردیلر.»
بیزلرنینگ فیسبوک صحیفه‌میزگه باش اورینگ!
پروان یشاوچیلریدن باشقه بیری توریالی گه کوره، اوتگن ییلی بیر بویره‌کی ده‌گی آغریققه بی‌فرق بولیشی باعث اونی آلیب تشلش گه مجبور بولگن. او اوشبو کسل‌لیککه چلینیش یگانه عاملینی اوز باشیمچه‌لیک روشده دارو استعمال قیلیش عنوان قیله‌دی. او نینگ کوپه‌یتیریشیچه: «بویره‌کیم ده دانه تاپیلدی، تیکشیردیم، بویره‌گیم بوتونلی بوزیلگن دییشدی. عملیات قیلیب بویره‌گیم نی چیقردیلر، عملیات اوچون ۵۰ مینگ افغانی مصرف قیلدیم. سیگیر گوشتی و لوبیا کبی آش‌لرنی ییمسلیگیمنی بویردیلر.»
بیراق یشاوچیلردن باشقه بیری کبل، مذکور کسل‌لیک حقیده باشقچه حکایت قیله‌دی. او یشاوچیلر نینگ آگاهی‌سیزلیگی و دارولرنی اوز باشیمچه‌لیک روشده استعمال قیلیش نی، اوشبو کسل‌لیککه چلینیش اصلی عاملی عنوان قیله‌دی. اونگه کوره: «پروان ده دارو نخود کبی ساتیله‌دی، یشاوچیلر نینگ آگاهی‌سیزلیگی باعث هر خیل دارو استعمال قیلیشه‌دی. شونی اوچون بویره‌ک‌لری بوزیله‌دی. سوو هم آز ایچه‌دیلر.»
باشقه تاماندن، پروان تخصصی ۱۰۰ بسترلیک کسلخانه نینگ ایچکی عمومی متخصصی روح‌الله رحیمی نینگ سلام‌وطندار گه ایتیشیچه، بویره‌ک کسل‌لیگی ۲۰۱۷_ییل دن بویان کوپه‌یگن. جناب رحیمی نینگ کوپه‌یتیریشیچه، عیاللر کوپراق اوشبو کسل‌لیککه چلینگنلر. اونگه کوره: «قطار کیشی‌لر نینگ اقتصادی قیینچیلیگی بار و عیاللر کوپراق بویره‌ک کسل‌لیگیگه چلینگن، آی‌لیک کورگن پیتده دقت قیلیش‌لری لازم؛ چونکه بویره‌ک نینگ ایشله‌مسلیک سبب‌لریدن بیری قان ییتیشمسلیک دیر. ادراری رنگی اوزگرسه یا ده سووسیزلیک حس قیلسه، ۱۰۰ دن یوز شفاکار گه مراجعت قیلیشی کیره‌ک.»
برچه‌سی بیلن، افغانستان ییگولیک ماده و دارو ملی اداره‌سی سوزلاوچیسی جاوید هژیر، بازارلرده دارولر اوز باشیمچه‌لیک روشده ساتیلیشینی تصدیقلب ایتیشیچه، اوتگن ییل‌لر ده دارو سرک‌لر یوزی گه ساتیلر ایدی. جناب هژیر، دارولر اوز باشیمچه‌لیک شکلده ساتیلیشینی آلدینی آلیش اوچون سعی‌وحرکت قیله‌یاتگنلریدن ایشانچ بیره‌دی.
بیزلرنینگ توییترده هم تعقیب قیلینگ!
او نینگ ایتیشیچه: «داکتر نینگ نسخه‌سی بولمسه، هیچ کیم نینگ دارو ساتیش گه حقوی یوق. مملکت ده نسخه‌سیز ساتیله‌دیگن دارولر رویخطی ۲۸ قلم دیر؛ اولردن کوپی منرال‌لر، ویتامین و بعضی ساغلیک محصولات محلول‌لری دیر. برچه ولایت‌لرده نظارتی نماینده‌لیگیمیز بار. اوشبو کون‌لر باجخانه‌لردن کیله‌دیگن برچه دارولر دن سمپلینگ آلینه‌دی. صفتی بولمه‌گن تقدیرده، اوشه ییرده ضبط و یوق ایتیش اوچون یوباریله‌دی.»
عین‌حالده، مملکت ده‌گی دارو ساتووچیلردن بیرقطاری نیچه مراتبه، اولکه یشاوچیلری کمبغل‌لیک و اقتصادی قیینچیلیک باعث دردلرینی تسکین بیریش اوچون، دارو خانه‌لردن اوز باشیمچه‌لیک شکلده دارو ساتیب آلیش‌لرینی ایتگنلر.
