پکتیا ده اولکه‌گه خذمت قیلیش توغریسیده مینگلرچه مقصد و آرزوسی بولگن بیر کیشی، اجتماعی و سیاسی چیکلاولر بیلن بویوک آرزولری بولگنی و یخشی‌راق بیر کیله‌جککه ایگه بولیش اوچون سعی‌وحرکت قیلگنی‌‌نی بیان قیله‌دی.
پکتیا ولایتی‌ده خصوصی بیلیم یورتلردن بیری‌ده اقتصاد فاکولته‌سی طلبه‌سی بولمیش ۳۲ یاشر محمدظاهر‌نینگ ایتیشیچه، آز امکانیت بیلن کیچه تامان کوریش امکانیتی‌گه ایگه بولگن بیر دوربین توزه‌تگن. قیزیقیش و سعی‌وحرکت، بو کیشی‌نینگ آلتی ییل تحقیق و مطالعه قیلیشی‌گه سبب بولگن. «بو توغریده تدقیقات قیلدیم و ۱۸ آی‌دن کیین بیر دوربین توزه‌تدیم که کیچه تامان ۱۰۰ مترگچه کوریش امکانیتی‌گه ایگه دیر.»
بیزلرنینگ فیسبوک صحیفه‌میزگه باش اورینگ!
مذکور کیشی، اوشبو دوربین‌نینگ توزه‌تیش اوچون هیچ کیم تامانیدن مادی و معنوی یاردم قولگه کیلتیرمه‌گنی‌نی بیان قیلیب و دوربینی خصوصیتلری حقیده ایتیشیچه: «توزه‌تگنیم دوربین کشف بولمه‌یدی و هیچ کیم بیلمه‌یدی که مینی بیری کوره‌یپ‌تی. حاضر ایسه یالعیز انه شوو دوربین‌نی توزه‌تدیم و باشقه دوربین توغریسیده ایشله‌گنیم یوق.»
محمدظاهرگه کوره، اوشبو دوربین‌نی حکومتی مسئوللر‌گه تانیشتیرگنی بیلن اولر آرقه‌لی حمایت بولمه‌گن. «دولتی ارگان‌لردن قطاری مینی تیله‌تدیلر؛ بارگنیم‌ده انه شوو نرسه‌لر خارجی‌لردن قالگن دیدیلر، کوپ یوره‌گیم قالدی و حتا کیله‌جک اوچون برنامه‌م یوق. تشویق بولمه‌گنی‌ده یاشلر زیریکه‌دیلر.»
شونینگدیک او حکومت‌دن بویوک آرزو و فکرلری بولگن یاشلرگه رواجلنیش زمینه‌سی یره‌تیلیشینی ایسته‌گن.
شونده‌ی بیرحالده، کابل ده پولی‌تخنیک بیلیم یورتی استاد‌لریدن قطاری‌نینگ ایتیشلریچه، ییترلی امکانیت یوقلیگی سبب طلبه‌لر اوز فکرلرینی عمل‌گه آشیره آلمه‌یدیلر.
کابل ده پولی‌تخنیک بیلیم یورتی استادی محمدقسیم قیام‌نینگ ایتیشیچه: «طلبه‌لر توزته‌دیگن ربات‌لر و ماشین‌لر‌نینگ کوپینچه پول گه نیازی بار. افغانستان دن تشقی‌ده طلبه‌لر اوچون نظرگه آلینگن امکانیت‌لر افغانستان ایچیده‌گی هیچ بیر بیلیم یورت‌ده یوق.»
بیزلرنینگ «ایکس» ترماغی ده هم تعقیب قیلینگ!
باشقه بیر تاماندن، تخنیکی و مسلکی تعلیم‌لر اداره‌سی‌نینگ تدقیقات و خلاقیت بولیمی باشلیغی سید‌محسن سادات، قویاش کیله‌سی ییل‌ده تدبیرکار و خلاق یاشلرنی تشویق قیلیش اوچون برنامه‌لر اوتکزیلیشی‌دن خبر بیرگن. اونینگ کوپه‌یتیریشیچه: «هر بیر فکر و اختراع‌لریدن حمایت قیله‌میز و اولر گه امکانیت یره‌تیلیشی اوچون سعی‌وحرکت قیله‌میز. کیله‌‌جک‌ده امکانیت‌لری آشیشی اوچون تشویقی برنامه‌لرنی نظرگه آلگن‌میز.»
خلاقیت فرهنگی رواجلنیشی و تدبیرکار و خلاق یاشلردن حمایت قیلیش، هر بیر جمعیت‌ده ایش زمینه‌سی یره‌تیلیشی، اقتصاد رواجلنیشی و قشاق‌لیک کمه‌یشی‌گه سبب بوله‌دی.
