پکتیا ساغلیقنی سقلش ریاستی مسئوللرینینگ ایتیشلریچه، اوشبو ولایتده بالهلر آرهسیده قیزهمیققه چلینیشی ۶۰ فایز کوپهیگن. پکتیا ساغلیقنی سقلش باشلیغی معراجگل عادل گه کوره، جاری میلادی ییلنینگ باش ایکی آییده، بالهلر آرهسیده قیزهمیق کسللیگیگه چلینیش ۱۱۹ واقعه قید بولگن که بو رقم، ۲۰۲۴-ییلنینگ باش ایکی آییده ۴۴ مورد ایکن.
پکتیا ساغلیقنی سقلش باشلیغینینگ ایتیشیچه، بالهلر آرهسیده قیزهمیق کسللیگی اورتهدن کیتکزیلیشی مقصد، ساغلیق تیملر واکسین قیلیش اوچون اوزاق بولیملر گه یوباریلیب و شونینگدیک عایلهلر گه هم بالهلرینینگ بو کسللیککه چلینمسلیگی توغریسیده آگاهیلیک بیریلگن.
بیزلرنینگ «ایکس» ترماغی ده هم تعقیب قیلینگ!
جناب عادلنینگ کوپهیتیریشیچه: «اوتگن میلادی ییل باش ایکی آییده، قیزهمیققه چلینگن ۴۴ واقعه بار ایدی که بو ییل جنوری و فبروری آیلریده بو رقم ۱۱۹ گه آشگن که قیزهمیققه چیلینیشنینگ ۶۰ فایز کوپهیگنینی کورستهدی. بو موردلر کمهیشی اوچون سعیوحرکت قیلهمیز. حاضرگچه ایکیمینگ ۵۰۰دن آرتیق بالهنی واکسین قیلگنمیز.»
شفاکارلر قیزهمیقنی یوقمه بیر کسللیک دیب و ایتیشلریچه، اونینگ آلدی آلینیشی مقصد واکسین اینگ یخشی یول دیر. پکتیا حوزهوی کسلخانهسینینگ بالهلر بولیمی باش شفاکاری آدمخان ابراهیمی گه کوره، بیر باله قیزهمیققه چلینگنی صورتده، اوشبو بالهنینگ دوالنیش مقصد کسلخانه گه انتقال بیریلیشی و باشقه بالهلرنینگ مذکور بالهدن اوزاق سقلنیشی کیرهک. «بو کسللیک، قیزهمیققه چلینگن بالهلر وجودینی تاثیر آستیده قرار بیرهدی. بو کسللیک طفیلی آغزلری قوریگن بالهلر گه سویوق و ملایم آوقتلر بیریلیشی کیرهک. شونینگدیک طبی قاعده-قانون اساسیده، ایسیتمهسی بولگن بالهلرنینگ ایسیق جایلرگه سقلنمسلیگی کیرهک.»
باشقه بیر تاماندن، قیزهمیققه چلینگن بالهلرینی پکتیا حوزهوی کسلخانهسی گه دوالنیش مقصد آلیب بارگن عایلهلر، اوشبو کسلخانهده امکانیت کملیگیدن شکایت قیلهدیلر.
قیزهمیققه چلینگن بالهسینی دوالنیش مقصد پکتیا حوزهوی کسلخانهسیگه بستری قیلگن نعیمنینگ ایتیشیچه، بستر کملیگی سبب تورلیخیل کسللیکلرگه چلینگن بالهلر بیر اتاقده سقلنهدی. «اوشبو بسترلر کم دیر. قیزهمیق و باشقه کسللیکلر گه چلینگن بالهلرنینگ بیر اتاقده سقلنمسلیگی و هر بیر کسلگه اَیری بیر اتاق بیریلیشی کیرهک که هر بیر کسل مخصوص بیر اتاقده دوالنسین.»
بیزلرنینگ فیسبوک صحیفهمیزگه باش اورینگ!
شونینگدیک قیزهمیققه چلینگن بالهسینی دوالنیش مقصد پکتیا حوزهوی کسلخانهسیگه بستری قیلگن بشیر، پکتیا ساغلیقنی سقلش ریاستیدن، بالهلر بولیمی بستری سانی کوپهیشی و هر بیر کسلگه اَیری بیر اتاق نظرگه آلینیشینی ایستهگن. «بیر بسترده، ایکی، اوچ و حتا تورت باله بستری بولهدی. بو توغریده همکارلیک بولیب و بسترلر سانی کوپهیگنی صورتده، پکتیا یشاوچیلری جودهیم خورسند بولهدی.»
پکتیا ساغلیقنی سقلش ریاستی، عایلهلردن بالهلرینینگ قیزهمیق کسللیگیگه چلینمسلیگی اوچون شفاکارلر آرقهلی بیریلگن ساغلیق دستورلرنینگ رعایت قیلیشلرینی ایستهگن.
