پکتیا ایکینچیلیک، سووغاریش و چاروهچیلیک ریاستی مسئوللرینینگ ایتیشلریچه، اوشبو ولایتده بیرینچی مرته «حاصل» اسمی آستیدهگی بیر موسسه آرقهلی چاروهچیلر و دهقانلرگه مرابحه شکلده کیچیک قرضهلر بیریلهدی. مذکور نهاد ایکینچیلیکنی رواجلنتیریش بوییچه صندیغی دایرهسیده فعالیت قیلهدی.
پکتیا، یشاوچیلریدن کوپ قطاری ایکینچیلیک و چاروهچیلیک بیلن شغللنگن ولایت دیر. مذکور دستوردن مقصد اوشبو ایکی بولیمنی زمانهویلشتیریش، چاروهچیلر و دهقانلرنی قوللب-قوتلش، اولرنینگ اقتصادی وضعیتینی یخشیلش و قیشلاق منطقهلریده کمبغللیکنی کمهیتیریش دییلگن.
مذکور نهاددن قرضه آلگن چاروهچی و دهقانلردن قطارینینگ ایتیشلریچه، آز بیر وقتده ایشلری یخشیراق بولیب و فعالیتلرینینگ ینهده کوچهیشیگه امید قیلهدیلر.
پکتیا ولایتی زرمت تومنی یشاوچیسی سیدالرحمان، «حاصل» موسسهسیدن ۲۰۰ مینگ افغانی قرضه آلگنینی بیان قیلیب و ایتیشیچه، ییرلری سووغاریلیش اوچون ییترلی سووگه ایگه بولمهی و بویوک بیر قسمی قوروق قالهردی.
اونینگ کوپهیتیریشیچه، مذکور قرضهنی قولگه کیلتیریش بیلن آز مدتده ییرلریگه سوو امکانیتی یرهته آلگن که بو ایش، کیلهجکده محصوللری کوپهیشی و قرضهسینی قیته بیره آلیشیگه سبب بوله آلهدی. «کوپ ییریمیز بار؛ بیراق سوو یوق. یالغیز بیر قطعه گه ایکین ایکهر ایدیک و باشقهسی شوندهی قالهر ایدی. EDF موسسهسیدن قرضه آلگنیمده، سولر ساتیب آلدیم. الحمدالله حاضر ییترلیچه سوویمیز بار. ییرلردن برچهسیگه نرسه ایککنمیز و انشاءالله یخشی فایده قولگه کیلتیرهمیز.»
چاروهچیلیک ایشلری بیلن شغللنگن پکتیا ولایتی احمدآبا تومنی یشاوچیسی محمد خان، حاصل موسسهسیدن قرضه آلگنینی بیان قیلیب و ایتیشیچه، بو پول بیلن چاروهلریگه دارو، آذوقه و باشقه کیرهکلی نرسهلرنی تیارلب و چاروهلریگه ضرر ییتیشیشینینگ آلدینی آلگن.
اونینگ کوپهیتیریشیچه، مرابحه شکلده قرضه بیریلیشی، چاروهچیلردن قطارینینگ قیینچیلیگینی حل قیله آلهدی. «بوندن آلدین درآمدیمیز آز ایدی؛ لیکن حاصل موسسهسی قرضه بیرگنیده، درآمدیمیز قریب ۶۰ فایز آشدی. بو اهالی اوچون جودهیم یخشی بیر آسایشتهلیک دیر که اولرگه قرضه بیریلهدی و کیین قسطی شکلده قیته توللنیلهدی.»
شونینگدیک ایکینچیلیک ایش بیلرمانلری هم، دهقانلر و ایکینچیلرگه کیچیک قرضهلر بیریلیشینی جودهیم فایدهلی بیلیب و ایتیشلریچه، بو ایش ایکینچیلیک و چاروهلیک بولیمینینگ کوپراق رواجلنیشی و قیشلاق منطقهلرده قشاقلیک سطحی کمهیشیگه سبب بوله آلهدی.
بو توغریده ایکینچیلیک ایش بیلرمان عزیزالله کریمینینگ ایتیشیچه: «کیچیک و اورته مدتلی قرضهلر، تولید آشیشی و قیشلاقلرده قشاقلیک کمهیشیده مهم اورینگه ایگه دیر. دهقانلر و ایکینچیلر وقتیده دارو، آذوقه، کیمیایی کود و حیوانی کودنی بازاردن ساتیب آلیب، ییرلری و محصوللریگه فایدهلنه آلهدیلر.»
شوندهی بیرحالده، حاصل موسسهسی مسئوللرینینگ کوپهیتیریشلریچه، اوشبو برنامه ایکینچیلیک و چاروهچیلیکنینگ زمانهویلنیشی همده دهقانلر بیلن چاروهچیلرنینگ قوللب-قوتلنیشی اوچون یولگه قوییلگن.
پکتیا ده حاصل موسسهسی مسئولی حشمتالله تاندنینگ ایتیشیچه، قرضه آلماقچین بولگن هر بیر کیشی بیللی فرملرنی قولگه کیلتیریب و تولدیریشی کیرهک شونینگدیک اوندن ضمانت هم آلینهدی. اونگه کوره، حاضرگچه اوشبو ولایتده ۵۹ دهقان و چاروهچیگه ۱۰ مینگ افغانیدن بیر یریم میلیون افغانیگچه قرضه بیریلگن.
حشمتالله تاندنینگ کوپهیتیریشیچه: «قرضه بیریشدن آلدین دهقان بولسین، چاروهچی بولسین یا-ده تجار و صناعتچی، اونینگ ایشی و فعالیتینی کورهمیز. کورهمیز که حقیقتاً مذکور پول گه نیازی بار می یوق. پولنی باشقه نرسهلر اوچون صرفلهگنینی بیلگنیمیزده، اونینگ بیلن همکارلیک قیلمهیمیز.»
شونینگدیک پکتیا ایکینچیلیک، سووغاریش و چاروهچیلیک ریاستی مسئوللرینینگ ایتیشلریچه، مذکور قرضه بیرووچی دستور، چاروهچیلر قیینچیلیگینی بیراز حل قیلیب و اولرنینگ اقتصادینی بیراز یخشیلشتیره آلهدی. پکتیا ایکینچیلیک ریاستی باشلیغی سیدامین هاشمینینگ ایتیشیچه، کیچیک قرضهلر بیریلیشی ایکینچیلیک و چاروهچیلیک بولیملری مکانیزه بولیشی و زمانهویلنیشیگه یاردم بیره آلهدی که نتیجهده، تولید و محصول سانی آشیب و دهقان همده چاروهچی درآمدی کوپهیهدی.
هاشمینینگ کوپهیتیریشیچه: «بیر کیشینینگ ییری بولیب، بیراق سوو منبعسی بولمسه، سوو منبعسینی یرهتیش اوچون سرمایه گه نیازی بار. شونینگدیک زراعت قیلهدیگن بیر کیشی، مثلا آلمه تولید قیلسه و اونینگ سقلش و بازار گه چیقریش اوچون امکانیتی بولمسه، ایسیقخانه، پروسس ماشینلری و باشقه امکانیتلرگه نیازی بولهدی که آلمه یا-ده پمیدار کبی محصوللرینی پروسس قیلسه و اهالی اوچون اوزون مدتلی فایدهنی یرهته آلسهلر.»
ایکینچیلیک ایش بیلرمانلریگه کوره، دهقانلر و چاروهچیلرگه قرضه بیریلیشی، اوشبو ایکی بولیم قیینچیلیکلریدن کوپینچهسینی حل قیلیب و تولیدلر کوپهیشیگه هم مثبت تاثیر قویه آلیشی ممکن.
