خوست ده محلی مسئوللر، اوتگن کیچه اوشبو ولایت سپیره تومنیده پاکستان آرقهلی هوا هجومی اویوشتیریلگنینی تصدیق قیلگنلر.
خوست حاکمی سوزلاوچیسی مستغفر گربزنینگ سلاموطندار گه ایتیشیچه، ۵-سنبله چهارشنبه کیچه ساعت ۱۰:۳۰ اطرافیده، دیورند چیزیغی یقینیده سپیره تومنیده بیر تینچ اهالینینگ اویی، پاکستاننینگ اوچووچیسیز اوچاغی آرقهلی بمباردمان بولگن.
گربزگه کوره، بو واقعهده نعیمگل آتلی خوست یشاوچیسی بولمیش بیر عایلهدن اوچ باله اولیب، عیاللر و بالهلر شامل بیش کیشی یرهلنگن.
بیزلرنینگ فیسبوک صحیفهمیزگه باش اورینگ!
اونینگ کوپهیتیریشیچه، مذکور واقعه نتیجهسیده یرهلنگنلر، کسلخانه گه انتقال بیریلیب و وضعیتلری قانیقرلی دیر.
خوست حاکمی سوزلاوچیسی، نعیمگلنینگ بیر سوداگر بولگنی و هیچ بیر گروه بیلن تیگیشلی بولمهگنینی بیان قیلگن.
شونینگدیک خوست یشاوچیلرینینگ سلاموطندار گه ایتیشلریچه، اوتگن کیچه بیر تینچ اهالی اویی، پاکستاننینگ اوچووچیسیز اوچاغی آرقهلی بمباردمان بولگن.
