پاکستان تشقی ایشلر وزیرلیگی سۉزلاوچیسی شفقت علیخان، ۱۰-حوت، جمعه کونی اوشبو مملکت پایتختی اسلامآبادده مطبوعاتی ییغیلیشده، ېنه بیر مرته افغانستان توپراغی پاکستان اوچون تهدید بولگنیدن تشویش بیلدیرگن.
اونگه کوره، افغانستاندن امریکا حربی کوچلرینینگ تیزلیک بیلن چیقیشیدن کېین، امریکانینگ زمانهوی قورال-یراغلری افغانستانده قالیب و عصیانچی گروهلر قولیگه توشگن.
بو قورال-یراغلر، پاکستان ایچیده ترورچیلیک هجوملر اوچون قوللنیشنی ادعا قیلگن، پاکستان تشقی ایشلر وزیرلیگی سۉزلاوچیسی شفقت علیخان.
بیزلرنینگ فیسبوک صحیفهمیزگه باش اورینگ!
او اسلامآباد، دنیا همجمعیت و افغانستان سرپرست حکومتیدن، بو تهدیدلر گه توسیق بولیش اوچون اقدام قیلیشلرینی اېستهگنینی معلوم قیلگن. «قالگن قورال-یراغلر حقیده تشویشیمیزنی بیلدیرگنمیز، بو زمانهوی قوراللر تروریستلر قولیگه توشگن، پاکستانده ترورچیلیک فعالیت اوچون ایشلتماقدهلر.»
سیاسی ایش بیلرمانلردن بیرقطارینینگ ایتیشلریچه، پاکستان سۉنگی دههلرده افغانستان برابریده ایکّی تور سیاست اوینب کېلگن.
سیاسی ایش بیلرمان احمدخان اندر، بو ایکّی مملکت اورتهسیدهگی کېسکینلیک دیپلماتیک یوللر بیلن حل اېتیلیشی گه تأکید اېتهدی.
بیزلرنینگ «ایکس» ترماغی ده هم تعقیب قیلینگ!
اونینگ کوپهیتیریشیچه: «قیینچیلیکلر گه چېک قوییش اوچون بو مسئلهلر اسلام امیرلیگی بیلن مذاکره و دیپلماتیک یوللر بیلن حل اېتیلیشی کېرهک. افغانستان مقیاسیده امنیت تأمین دیر، بو قۉشنی مملکتلر اینیقسه ایران و پاکستان منفعتی گه دیر.»
سیاسی ایش بیلرمانلردن باشقه بیری نجیبالرحمان شمالنینگ ایتیشیچه، پاکستان طالبان تحریکی، افغانستان توپراغی پاکستان امنیتی اوچون تهدید کبی مسئلهلر، سیاسی و دیپلماتیک یوللر بیلن تېکشیریلیشی کېرهک.
افغانستان و پاکستان اورتهسیدهگی کېسکینلیک دوامی، ایکّی تامان و منطقه زیانی گه بولیشی حقیده آگاهلنتیرهدی، سیاسی ایش بیلرمان نجیبالرحمان شمال.
اسلام امیرلیگی، پاکستان اوشبو رسمیسینینگ ینگی بیاناتی گه حاضرگه قدر مناسبت بیلدیرمن؛ بیراق بوندن آلدین نیچه مرته امریکانینگ افغانستانده قالگن قورال-یراغلری انبار بولیب و هېچ بیر مملکت گه قرشی ایشلهتیمسلیگیدن ایشانچ بیرگن.
