اسلام امیرلیگی قاچقین‌لر وزیرلیگی، بیر کون ایچیده پاکستان و ایران دن داوطلب و جبری شکلده قریب تورت مینگ قاچقین چیقریلگنیدن خبر بیرگن.
قاچقین‌لر وزیرلیگی بوگون (۵-سرطان، سه‌شنبه) ایکس صحیفه‌سیده، سۉنگی بیر کون ایچیده پاکستان و ایران دن اوچ مینگ ۸۸۴ قاچقین داوطلب و جبری شکلده چیقریلگنینی معلوم قیلگن.
بیزلرنینگ فیسبوک صحیفه‌میزگه باش اورینگ!
مذکور وزیرلیک نینگ کوپه‌یتیریشیچه، اوچ مینگ ۳۹۹ قاچقین ایران دن و ۴۸۵ قاچقین پاکستاندن مملکت گه قیتگنلر.
قاچقین‌لر وزیرلیگی نینگ بیانیه‌سی اساسیده، بو قاچقین‌لر هرات، نیمروز، ننگرهار وقندهار ولایت‌لری نینگ چېگره‌لری آرقه‌لی مملکت گه قیتگنلر.
بیزلرنینگ «ایکس» ترماغی ده هم تعقیب قیلینگ!
قاچقین‌لر وزیرلیگی گه کوره، بیر مینگ ۶۲۸ قاچقین هرات ولایتیده اسلام قلعه چېگره‌سی، بیرمینگ ۷۷۱ قاچقین نیمروز ولایتیده پل ابریشم چېگره‌سی شونینگدیک ۲۹۵ قاچقین قندهار ولایتیده اسپین‌بولدک بندری و ۱۹۰ قاچقین ننگرهار ولایتیده تورخم بندری آرقه‌لی مملکت گه قیتگنلر.
ایتیش کېره‌ک، قاچقین‌لر وزیرلیگی ۳-سرطان، یک‌شنبه کونی پاکستان و ایران دن بیر مینگ ۱۲۲ قاچقین داوطلب و جبری شکلده مملکت گه قیتگنینی معلوم قیلگن اېدی.
