کابل ده اوزبیکستان ایلچیسی یادگار خواجه شادمانوف، سلام افغانستان میدیا مؤسسه‌سی (سلام‌وطندار رادیوسی) اورین باسری نورمحمد هاشمی بیلن، اوشبو ییتکیرمه دفتری ده اوچره‌شدی.
بوگون (سه‌شنبه، ۳۰-عقرب)، ایکی تامان اوزبیکستان جمهوریتی و افغانستان آره‌سیده ییتکیرمه‌لر نینگ مناسبت‌لری و همکارلیگی مستحکم‌لنیشی و کینگه‌یشی حقیده بحث ایتدیلر.
بیزلرنینگ فیسبوک صحیفه‌میزگه باش اورینگ!
بو اوچره‌شووده، سلام افغانستان میدیا مؤسسه‌سی (سلام‌وطندار رادیوسی) نینگ رهبرلیک هیئتی و ایشلاوچیلری حضور تاپگن ایدیلر.
تامان‌لر، ایکی مملکت نینگ تاریخی، فرهنگی و تیلی مشترک‌لیگی گه اشاره قیلیب، ییتکیرمه‌لر نینگ همکارلیگی کینگه‌یشی اینیقسه افغانستان و اوزبیکستان خبرچیلری آره‌سیده‌گی تجربه‌لر شریک قیلینیشی و تولید ساحه‌سیده همکارلیک بولیشی اوستیگه تاکید ایتدیلر.
کابل ده اوزبیکستان ایلچیسی یادگار خواجه شادمانوف، افغانستان ییتکیرمه‌لرینی اوشبو مملکت نینگ بویوک یوتوق‌لری دن دیب و تورلی ساحه‌لرده‌گی ینگی‌لیکلرنی عکس ایتتیریش ده اولر نینگ فعالیتینی اهمیتلی عنوان قیلدی.
بیزلرنینگ «ایکس» ترماغی ده هم تعقیب قیلینگ!
سلام‌وطندار رادیوسی، افغانستان ده‌گی مشهور رادیولردن بیری بولیب، ۲۰۰۳-ییل ده ایشیتتیریشنی باشله‌دی. بو رادیو، مملکت پایتختی کابل ده تورلی دستورلر اینیقسه سیاسی، اجتماعی، فرهنگی، تفریحی و سپورت دستورلری بیلن، ۹۸.۹ تولقینی ده یایین بیریب کیلماقده و افغانستان نینگ ۳۴ ولایتی ده، چمه‌سی ۱۰۰ محلی رادیو آرقه‌لی یایین بیره‌دی.
مذکور رادیو، صوتی ایشیتتیریش و وبسایت ینگی‌لیک‌لری گه قوشیمچه، اوزبیکچه، فارسچه، پشتو و انگلیسچه تیل‌لری ده فعالیت قیله‌دی و «swn.af» الکترونیکی نشراتی دن فایده‌لنیش ممکن دیر.
