۲۳-ثور یک‌شنبه کونی کابل ېنه بیر بار اۉزبېکستان ترانسپورت وزیری الهام محکموف ییتکچیلیگی ده اوشبو مملکت نینگ یوقاری مرتبه‌لی هیئت میزبانی اېدی.
بو هیئت اسلام امیرلیگی عملدارلری جمله دن باش وزیر سیاسی اۉرین باسری محمدعبدالکبیر، تشقی ایشلر، صناعت و سوداگرلیک همده ترانسپورت و هوا یوللری وزیرلیک‌لری نینگ سرپرست وزیرلری بیلن اوچره‌شووده، تجارت و ترانزیت ساحه‌لریده کابل و تاشکینت مناسبتی مستحکم‌لنیشینی سۉره‌گن.
اۉزبېکستان هیئتی کابل گه سفرلریدن مقصد، افغانستان بیلن اقتصادی مناسبت‌لرینی مستحکم‌لش عنوان قیلیب و اسلام امیرلیگی تامانیدن افغانستان ده اۉزبېک سرمایه یاتقیزووچیلری گه سرمایه یاتقیزیش زمینه‌سی یره‌تیلیشینی اېسته‌گن.
بیزلرنینگ فیسبوک صحیفه‌میزگه باش اورینگ!
اسلام امیرلیگی سۉزلاوچیسی نینگ اۉرین باسری حمدالله فطرت نینگ سلام‌وطندار گه ایتیشیچه: «اۉزبېکستان ترانسپورت وزیری، کابل و تاشکینت سوداگرلیک آلیش-بیریش همکارلیگی ییتّی برابر کوپه‌یگنینی اېتدی، اسلام امیرلیگی باغلیق اداره‌لر اویغون‌لیگی و همکارلیگی بیلن حیرتان بندری ایش کونده‌لیگینی ۲۴ ساعت قیلیش اوچون سعی-حرکت قیله‌یپمیز.»
باشقه تاماندن، اۉزبېکستان هیئتی صناعت و سوداگرلیک وزیرلیگی سرپرستی نورالدین عزیزی بیلن اوچره‌شووده، بو مملکت ترانزیت ساحه‌سیده افغانستان سوداگرلری نینگ محصولاتی اوچون ۴۰ میلیون دالر تخفیف بیریش گه تیارلیگینی بیلدیرگن.
صناعت و سوداگرلیک وزیرلیگی سۉزلاوچیسی عبدالسلام جواد آخوندزاده، اۉزبېکستان تامانیدن بیریلگن وعده گه دایر ایتیشیچه: «اۉزبېکستان جمهوریتی ۲۰۲۴ییل ده همکارلیک حسنی مقصدیده اۉزبېکستان یولی آرقه‌لی افغانستان توارلرلی ترانزیتی گه قریب ۴۰ میلیون دالر تخفیف نظرگه آلگن.»
بیزلرنینگ «ایکس» ترماغی ده هم تعقیب قیلینگ!
افغانستان ده اسلام امیرلیگی ایکّینچی مراتبه قدرت نی آلگنیدن سۉنگ، اۉزبېکستان نیچه مراتبه تورلی هیئت‌لرنی افغانستان گه یوللش بیلن سوداگرلیک و تجارت ساحه‌لریده مناسبتینی مستحکم‌لش گه سعی-حرکت قیلیب کېلگن.
اقتصادی ایش بیلرمان‌لر نینگ ایشانچی گه کوره، اۉزبېکستان افغانستان بیلن اقتصاد و سوداگرلیک مناسبت‌لرینی مستحکم‌لش بیلن، افغانستان یولی آرقه‌لی جنوبی آسیا بازارلری گه یول تاپیش اوچون سعی-حرکت قیلماقده.
اوشبو ایش بیلرمان‌لر اۉزبېکستان نینگ بو حرکتینی افغانستان اونیمیگه دیب و اوندن فایده‌لنیش اوستیگه تاکید اېته‌دیلر.
اقتصادی ایش بیلرمان عبدالنصیر رشتیا گه کوره: «اقتصادی مناسبتی‌میزنی منطقه مملکت‌لر بیلن قنچه‌لیک مستحکم قیلمه‌یدیک، افغانستان نینگ سوداگرلیگی اونیمیگه دیر و بیر یول گه باغلیق‌لیگیمیزدن قوتقره‌دی.»
شو بیلن بیرگه، خلق‌ارا مناسبت‌لر ایش بیلرمانلری افغانستان برابری ده منطقه مملکت‌لر نینگ اقتصاد محور حرکت‌لرینی افغانستان نینگ اۉرته‌سیا بیلن جنوبی آسیا مملکت‌لری ترانزیتی گه اېلنیش و افغانستان سرپرست حکومتی دنیا همجمعیت تامانیدن تن آلینیشی اوچون مهم دیه ایشانه‌دیلر.
ایتیش کېره‌ک، قویاش اۉتگن ییل ده افغانستان و اۉزبېکستان ۲۸۱ میلیون دالرلیک توار آلیش-بیریش قیلگن که افغانستان ۲۳ میلیون دالرلیک توار اۉزبېکستان گه صادر قیلگن.
