ایچکی ایشلر وزیرلیگی ترافیک عمومی ریاستی مسئوللری گه کوره، کابل شهری ده برقی موترلر بیش فایز آشگن.
ایچکی ایشلر وزیرلیگی ترافیک عمومی ریاستی نینگ پلان ایشلری بوییچه مدیری عبدالودود خیرخواه نینگ سلام‌وطندار گه ایتیشیچه، بیر کلیدی موترلر نینگ ثبت قیلیش جریانی باشله‌نیشیدن حاضرگه قدر، کابل شهری ده ۱۸۰۰ برقی موتر ثبت ایتیلگن.
او نینگ کوپه‌یتیریشیچه: «معلومات‌لریمیز گه قره‌گنده حاضر کابل شهری ده بیش فایز برقی موترلر کوپه‌یگن، بیر کلیدی موترلر نینگ ثبت قیلیش جریانی باشله‌نیشیدن حاضرگچه قریب ۱۸۰۰ برقی موتر ثبت ایتیلگن.»
بیزلرنینگ فیسبوک صحیفه‌میزگه باش اورینگ!
برقی موترلر نینگ هیداوچیلریدن بیرقطاری، مصرفی آزلیگی و هوا دغل‌لیگی کمه‌یشینی اوشبو موترلر رواجلنیش عاملی عنوان قیله‌دیلر.
کابل شهری ده برقی موتر هیداوچیلریدن عبدالرزاق گه کوره: «برقی موترلر ۶۰ درجه سرعت گچه یوریدی و اوندن آرتیق سرعت ده ۱۰۰ کیلومتر یول ده یالغیز آلتی لیتر تیل مصرف قیله‌دی.»
کابل شهری ده برقی موتر هیداوچیلریدن باشقه بیری احمدذکی نینگ ایتیشیچه: «بو موترلر هوا دغل‌لیگی کمه‌یشی اوچون تأثیرچن دیر و مذکور موترلر ده بطری دن ایش آلینه‌دی.»
بیزلرنینگ «ایکس» ترماغی ده هم تعقیب قیلینگ!
بیراق کابل شهری ده برقی موتر هیداوچیلریدن باشقه بیری مصطفا گه کوره، اوشبو موترلر بیر کلیدی دیر و برقی موترلر نینگ پرزه‌لری آز تاپیله‌دی.
او نینگ ایتیشیچه: «برقی موترلر بیر کلید دیر، مدل و کمپنیه‌سی گه قر‌گنده پرزه‌سی فرقلی همده آز تاپیله‌دی.»
ایچکی ایشلر وزیرلیگی ترافیک عمومی ریاستی مسئوللری نینگ ایتیشلریچه، اوتگن بیش آی ده اولکه بویلب بیر کلیدی ۴۵۰ مینگ موتر ثبت ایتیلگن، حاضرگچه اولر نینگ ۲۰ مینگ ته‌سی گه اوچ ییل‌لیک وقتینچه‌لیک پلیت بیریلگن.
