اسلام امیرلیگی ایچکی ایشلر وزیرلیگینینگ اعلام قیلیشیچه، ارغندی حدودیده یولاوچی تاشووچی بیر موترنینگ چپه بولگنی نتیجهسیده، کمیده ۲۵ کیشی اولیب و ۲۷ کیشی ایسه یرهلنگن.
ایچکی ایشلر وزیرلیگی سوزلاوچیسی عبدالمتین قانعنینگ ایتیشیچه، مذکور حادثه بوگون ایرتهلب (۵-سنبله، چهارشنبه)، کابل-قندهار قتناو یولیده یوز بیرگن.
قانعنینگ کوپهیتیریشیچه، ۵۸۰ رسوملی یولاوچی تاشووچی موتر، هیداوچینینگ «احتیاطسیزلیگی» سبب، سرکدن چیقیب و چپه بولگن.
بیزلرنینگ فیسبوک صحیفهمیزگه باش اورینگ!
ایچکی ایشلر وزیرلیگی سوزلاوچیسیگه کوره، پولیس و خذمت کورسهتووچی گروهلر تیزلیک بیلن حادثه محلیگه باریب و یرهلنگنلرنی میدانشهر کسلخانهسی و کابل دهگی کسلخانهلردن قطاریگه انتقال بیرگنلر.
ایچکی ایشلر وزیرلیگینینگ اورغولشیچه، اوشبو حادثه توغریسیده کوپینچه تدقیقاتنینگ دوامی بار.
شونینگدیک اوتگن هفته، اسلامقلعه قتناو یولیدن هرات شهری تامان بارهدیگن یولاوچی تاشووچی بیر اوتوبوس، یوک تاشووچی بیر موتر و موترسایکل بیلن توقنشگنیدن کیین آلاو آلگن. مذکور حادثهده، ۷۹ کیشی اولیب و ایکی کیشی یرهلنگن.
