کوتیلگن لحظه یېتیب کېلدی و میلادی ۲۰۲۵-ییل «آلتین توپ» صاحبی انیق بولدی و عثمان دمبله قیزغین رقابتده لامین یامالنی مغلوب قیلدی و آلتین توپنی قولگه کیریتدی.
میلادی ۲۰۲۵-ییلنینگ اېنگ یخشی فوتبالچیسینی انیقلش مراسمی ۳۱-سنبله، دوشنبهدن سهشنبه گه اوتر کیچه فرانسهنینگ پاریس شهریده اوتکزیلدی و عثمان دمبله اوشبو مکافات نامزدلری آرهسیدن غالب صفتیده تنلندی.
اونینگ لامین یامال بیلن رقابتی آخرگی لحظهگچه دوام اېتدی، بیراق یکونده عینن دمبله اوزینینگ یارقین اویینی بیلن، اروپا قهرمانلر لیگهسی و فرانسه لیگهسیده کورستگن گللری و بیرگن پاسلری همده پاریسنژرمننینگ تاریخی بیش کره ساوریننی قولگه کیریتیشده مرکزی رولی طفیلی، فوتبال بوییچه اېنگ مهم ساوریننی قولگه کیریتدی.
بارسلونا فوتبالچیسی لامین یامال و عثمان دمبلهنینگ پاریسنژرمندهگی جماعهداشی ویتینیا، اوشبو مکافاتنینگ باشقه نامزدلری قطاریده اېدی.
او، پاریسنژرمننینگ تاریخیده «آلتین توپ»نی قولگه کیریتگن ایلک فوتبالچیسی بولدی.
