افغانستان ده بیرلشگن ملتلر تشکیلاتینینگ اورینباسرلیک هیئت ادارهسی (یوناما) باشلیغی روزا اوتونبایواگه کوره، خلقارا همجمعیت افغانستان گه قریب ۱۳ میلیارد افغانی یاردم بیرگن.
او، بو موضوعنی اوتگن کیچه بیرلشگن ملتلر تشکیلاتینینگ خوفسیزلیک کینگش ییغیلیشیده بیان قیلیب و ایتیشیچه، مذکور یاردم ۲۰۲۱-ییلدن حاضرگچه افغانستان گه کورسهتیلماقده.
بیزلرنینگ «ایکس» ترماغی ده هم تعقیب قیلینگ!
اوتونبایوانینگ کوپهیتیریشیچه، افغانستان گه کورسهتیلگن یاردمدن ییتی میلیارد ۹۰۰ میلیونی انسانسیورلیک مالی منبعلر تامینلنیشی بولیمی و باشقه تورت میلیارد ۹۰۰ میلیونی ایسه اساسی بشری نیازلر تامینلنیشی توغریسیده صرفلنگن. «بیرلشگن ملتلر تشکیلاتی یاردملرنینگ ناتوغری فایدهلنیش خطرینی آز درجهگه توشیریش اوچون خوف مدیریتی و نظارت تیزیملرینی مستحکملهگن؛ شونینگدیک بیرلشگن ملتلر تشکیلاتی انسانسیورلیک عملیات اوچون نیاز بولگن نقدی پول یوکلرینینگ انتقال بیریش مسئولیتینی بویینیگه آلدی.»
یوناما باشلیغینینگ اورغولشیچه، افغانستان گه کورسهتیلگن یاردملردن کوپینچهسی اسلام امیرلیگی ارهلشمسدن ترقهتیلگن.
بیزلرنینگ فیسبوک صحیفهمیزگه باش اورینگ!
اوتگن تورت ییلده بیرلشگن ملتلر تشکیلاتی آرقهلی افغانستان گه ۱۳ میلیارد دالر یاردم بیریلگنی بیرحالده؛ بیراق حاضرگچه بو مملکتده انسانسیورلیک یاردملر توغریسیده نیازمندلیک سطحی یوقاری دیر. بوندن آلدین بیرلشگن ملتلر تشکیلاتیگه تیگیشلی نهادلر جملهدن مذکور تشکیلاتنینگ هماهنگ قیلووچی ادارهسی، جاری میلادی ییلده افغانستان یشاوچیلریدن ۲۳ میلیوندن آرتیغینینگ انسانسیورلیک یاردملرگه نیازی بارلیگی و اولرنینگ نیازلرینی حل قیلیش اوچون کوپینچه بودجهگه نیازی بولگنینی اعلام قیلگن ایدی.
