سرپرست حکومت نینگ ایچکی ایشلر وزیرلیگی سوزلاوچیسی عبدالمتین قانع، بوگون (پنجشنبه، ۹-حمل)، حکومت نینگ اطلاعات و ییتکرمه‌لر مرکزی‌ده یولگه قوییلگن خبری بیر ییغین‌ده، اوتگن قویاش ییل نینگ سونگی آلتی آی جریانیده‌گی اوشبو وزیرلیک یوتوق‌لری نی ییتکرمه‌لر بیلن شریک قیلگن.
ایچکی ایشلر وزیرلیگی سوزلاوچیسی نینگ ایتیشیچه، اوتگن ییل نینگ سونگی آلتی آیی جریانیده، مذکور وزیرلیک مملکت بویلب ۸ مینگ ۷۴۸ جنایت واقعه نی رویخط گه آلگن که بو واقعه‌لر گه تیگیشلی ۱۲ مینگ ۵۴۰ کیشی قولگه آلینیب و ۷۳۳ کیشی ایسه تیرگاو آستیده دیر.
بیزلرنینگ «ایکس» ترماغی ده هم تعقیب قیلینگ!
بو توغریده قانع نینگ کوپه‌یتیریشیچه: «آلتی آی جریانیده، مملکت بویلب پولیس‌لر یانیده ۸۷۴۸ جنایت واقعه ثبت بولگن که اوشبو واقعه‌لردن ۷۲۲۳ موردی پولیس آرقه‌لی کشف و ۱مینگ ۵۲۵ واقعه ایسه کشفی کوچلری نینگ تیرگاوی آستیده قرار تاپگن.»
شونده‌ی بیرحالده، فساد گه باغلیق ۸۰۰ کیشی قولگه آلینگن که اولر ارا، ۴۴۹ ته‌سی خوفسیزلیک خادملری، ۴۲ مینگ آغیر و یینگیل قورال نینگ توپلنگنی، ۲۱ کیشی اولیب و ۱۷۲ کیشی قولگه آلینگن واقعه‌لر گه تیگیشلی آدم اوغیرلاوچیلیک ۱۹ واقعه ثبت بولگنی، اوتگن قویاش ییل نینگ سونگی آلتی آیی جریانیده ایچکی ایشلر وزیرلیگی نینگ باشقه یوتوق‌لریدن دیر.
باشقه بیر تاماندن، ایچکی ایشلر وزیرلیگی هوا قونالغه‌لری و زمینی اوتیب-قیتیش یوللریدن تورلی جنایت‌لر عیبی بیلن ۲۲۱ کیشی نینگ قولگه آلینگنی‌دن خبر بیرگن.
عین حالده، ایچکی ایشلر وزیرلیگی، مملکت‌ده هیچ قنده‌ی قوراللی گروه گه فعالیت اوچون رخصت بیریلمسلیگی گه تاکید‌لب، ۱۴۰۲-ییل نی مملکت‌ده خوفسیزلیک نقطه‌ی نظری‌دن یخشی ییل دیب بیان قیلگن.
بیزلرنینگ فیسبوک صحیفه‌میزگه باش اورینگ!
شونینگدیک عبدالمتین قانع نینگ کوپه‌یتیریشیچه: «الحمد‌الله ۱۴۰۲-ییل‌ده، افغانستان نینگ ولایت‌لریدن کوپینچه‌سیده، امنیت گه قرشی که سونگی نیچه دهه‌ده مثلی کوریلکه‌گن بولسه، هیچ قنده‌ی واقعه یوز بیرمه‌گن.»
ایتیش کیره‌ک که، سونگی ایکی ییل‌ده مملکت‌ده جبهه‌لی اوروش‌لر بولمه‌گنی بیرحالده؛ بیراق بیر قطار ناتینچ‌لیک‌لر جمله‌دن پارتلش هجوم‌لری و قوراللی قتل‌لر خصوصیده شکایت‌‌‌لر بار.
