احصائیه و معلومات ملی اداره مسئوللری، بوگون (چهارشنبه، ۱۱-اسد)، «دولت نینگ ملت گه حساب بیریش» برنامه‌سیده ایتیشلریچه، اوتگن ییل مملکت‌ده ایکی یریم میلیون‌دن آرتیق کیشی گه الکترونیکی کیم‌لیک ترقه‌تیلگن.
احصائیه و معلومات ملی اداره سرپرستی فقیر‌محمد زیار نینگ ایتیشیچه، مملکت بویلب الکترونیکی کیم‌لیک ترقه‌تیله‌دیگن ۷۴ مرکز نینگ فعالیتی بار که، اوشبو مرکزلردن ۱۵ ته‌سی کابل و باشقه ۵۹ ته‌سی ایسه ولایت‌لرده فعالیت قیله‌دی.
بیزلرنینگ فیسبوک صحیفه‌میزگه باش اورینگ!
جناب زیار نینگ ایتیشیچه: «جاری ییل‌ده، تورت میلیون افغانستان یشاوچیسی گه الکترونیکی کیم‌لیک ترقه‌تیلیشی خصوصیده سعی و حرکت قیلماقده‌لر و شونینگدیک بو ییل انفرادی فایل‌لر ننیگ دیجیتال بولیشی ممکن. قندهار، خوست، هرات، ننگرهار و بلخ‌ده آسان خذمت‌لر مرکزلری نینگ فعال بولینیشی گه قرار آلینگن.»
عین حالده، احصائیه و معلومات ملی اداره مسئوللری نینگ ایتیشلریچه، اوتگن ییل‌ده، فساد گه تیگیشلی ۱۳۰ دوسیه تانیلیب، عدلی و قضایی نهاد‌لر گه تاپشیریلگن.
اوشبو نهاد مسئوللری مملکت نفوسی سنه‌لیشی نی مذکور اداره اوچون اونملی عنوان قیلیب؛ بیراق ایتیشلریچه، بو اداره‌ده بودجه کم‌لیگی سبب، حاضرگچه مملکت نفوسی سنه‌لیشی صورت تاپمه‌ٔگن.
شونده‌ی بیرحالده، احصائیه و معلومات ملی ادارهسی نینگ مسلکی اورین‌باسری عصمت‌الله حکیمی نینگ ایتیشیچه، اوشبو اداره نینگ آمارلری گه کوره، مملکت بویلب ۶.۳-۶.۵ میلیون اوی بناسی موجود دیر که، اولر ارا ۵.۸ میلیون ته‌سی یشش بنالر و ۱۰۰ مینگ ته‌سی حولی و باشقه ۴۰۰ مینگ ته‌سی ایشی یریم قالگن اوی‌لر دیر.
اونینگ کوپه‌یتیریشیچه، قیشلاغ‌لر نینگ تثبیت سروی‌سی و اوی بنالری نینگ فهرستی، مملکت‌ده نفوس نی سنه‌ش اوچون بیر بدیل حساب بوله‌دی؛ بیراق مملکت نفوسی‌دن بیللی بیر سنه‌ش بوله آلمه‌یدی.
بیزلرنینگ توییترده هم تعقیب قیلینگ!
احصائیه و معلومات ملی ادارهسی نینگ مسلکی اورین‌باسری گه کوره: «قیشلاغ‌لر نی تثبیت سروی‌سی و اوی‌لر بناسی نینگ فهرستی، مملکت‌ده نفوس سنه‌لیشی گه بیر بدیل یول بولیشی ممکن، بیراق حقیقی و بیللی بیر سنه‌لیش بوله آلمه‌یدی. بودجه قولگه کیلتیرگنی‌میز پیتده، جاری ییل‌ده، نفوس سنه‌لیشی نی تکلیف بیردیک و حاضرگی روش‌دن قوللنیش گه نسبت، دقیق بیر نفوس سنه‌لیش نی ارایه قیله آله‌میز.»
ایتیش کیره‌ک که، احصائیه و معلومات ملی ادارهسی الکترونیکی کیم‌لیک ترقه‌تیش پروسه‌سی نینگ باشله‌گنی‌دن حاضرگچه، ۱۰ میلیون ۷۰۰ مینگ کیشی گه الکترونیکی کیم‌لیک ترقه‌تگن که، تورت میلیون ۶۰۰ مینگ الکترونیکی کیم‌لیک، اوتگن ایکی ییل جریانیده مملکت یشاوچیلری گه ترقه‌تیلگن.
