معارف وزیرلیگی‌دن مسئوللری، بوگون دولت نینگ ملت گه حساب بیریش برنامه‌سیده ایتیشلریچه، اوتگن بیر ییل‌ده دینی مدرسه‌لر گه ۳۶ مینگ‌دن آرتیق اوقووچی جذب بولگن. اولر گه کوره، حاضر ایسه مملکت بویلب ۱۴ دینی مدرسه نینگ فعالیتی بار و مذکور مدرسه‌لرده ۳۳۰ مینگ‌دن آرتیق اوقووچی تعلیم کورماقده.
معارف وزیرلیگی نینگ اسلامی تعلیم‌لر اورین‌باسری کرامت‌الله آخوندزاده، اوشبو برنامه‌ده ایتیشیچه، حاضر ایسه اون میلیون ۵۵۴ مینگ‌دن آرتیق اوقووچی، مملکت بویلب تورلی بولیم‌لرده تعلیم کورماقده و ۳۳۰ مینگ‌دن آرتیق اوقووچی ایسه دینی مدرسه‌لرده اسلامی تعلیم‌لر کورماقده.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «۱۲ مینگ ۸۰۸ قیز شامل توپلم شکلده، ۳۶ مینگ ۲۰۳ طالب‌العالمان ینگی‌لیکده جذب بولگن، ۹۴ مینگ قیز شامل ۳۳۰ مینگ ۹۵۰ کیشی مدرسه اوقووچیلری نی تشکیل بیره‌دی.»
آخوندزاده نینگ کوپه‌یتیریشیچه، حاضر مملکت بویلب ۱۴ مینگ اسلامی تعلیم مرکزی ثبت بولگن دیر.
شونینگدیک اوشبو وزیرلیک مسئوللری نینگ ایتیشلریچه، اوتگن ییل مملکت بویلب ۱۱ مینگ‌دن آرتیق اوقیتووچی اسلامی تعلیم‌لر نی درس بیریش اوچون مذکور وزیرلیککه آلینگن و اوشبو اوقیتووچیلردن ۴۸۹ ته‌سی نی عیاللر تشکیل بیره‌دی.
باشقه بیر تامان‌دن، معارف وزیرلیگی اسلامی تعلیم‌لر اورین‌باسری نینگ ایتیشیچه، اوتگن ییل بیر میلیون ۲۵۶ مینگ‌دن آرتیق اوقووچی دولتی و خصوصی مکتب‌لر گه آلینگن که، اولردن قریب ۵۵۷ مینگ ته‌سی نی قیزلر تشکیل بیره‌دی. «افغانستان بویلب دولتی و خصوصی مکتب‌ده حاضر ایسه اون میلیون بیر یوز ۸۹ مینگ اوقووچی ثبت بولگن که، ۴۰ میلیون ۲۴ مینگ ۵۷۴ ته‌سی نی قیزلر تشکیل بیره‌دی. ۱۲۱ مکتب ینگی‌لیکده ایجاد بولگن که مملکت بویلب ۱۸ مینگ ۱۰ مکتب موجود دیر.»
بیزلرنینگ فیسبوک صحیفه‌میزگه باش اورینگ!
شونینگدیک معارف وزیرلیگی مسئوللری نینگ ایتیشلریچه، اوتگن ییل ۱۸۶ مینگ ۹۸۴ اوقووچی مکتب‌دن فارغ بولگن.
بولر گه علاوه، معارف وزیرلیگی مسئوللری نینگ ایتیشلریچه، حاضر ایسه ۲.۴ میلیون قیز بیرینچی صنف‌دن آلتینچی صنف گه قدر تعلیم کورماقده.
عین حالده، آلتینچی صنف‌دن یوقاری ۱.۲ میلیون قیز مکتب‌لر ایشیگی آچیلیشی نی کوتیب تورگن.
