پکتیا ده باغ‌دارلردن قطاری نینگ ایتیشلریچه، جاری ییل‌ده اوشبو ولایت‌ده آلمه محصوللریدن کوپینچه‌سی، اوسیم‌لیک آفتلری طفیلی اورته‌دن کیتگن. اولر گه کوره، آلمه درخت‌لرده خراب بولیب یا-ده بیر قطار منطقه‌لرده قوروگن دیر.
پکتیا مرکزی گردیز شهری‌ده‌گی باغ‌دارلردن منصور نینگ ایتیشیچه، کونده قولگه کیلتیره‌دیگنی هر ۱۰۰ کیلوگرام آلمه‌دن، یریمی‌دن آرتیغی خراب دیر، انه شوو سبب زیان کورگن. منصور نینگ کوپه‌یتیریشیچه: «دارو‌دن قوللندیم و نیچه مرته کیمیاوی کود هم بیردیم؛ بیراق ینه هم آفت آلمه‌لر گه زیان ییتکزدی. بو آفت آلمه‌لر نینگ توشیشی گه سبب بولیب و آلمه ایچیده بیر تور قورت تاپیلگن. بو ییرده اهالی‌دن قطاری نینگ آلمه محصولی‌دن ۶۰ سیری و بیر قطاری نینگ ایسه ۴۰ سیری توکیله‌دی. هر ایرتنگ تورت-بیش بوجی خراب بولگن آلمه‌لر نینگ توپله‌یمیز که ۲۰ سیر بوله‌دی.»
بیزلرنینگ فیسبوک صحیفه‌میزگه باش اورینگ!
پکتیا ده باغدارلر نینگ ایتیشلریچه، باغ‌لریده اوسیم‌لیک آفتلری نینگ اورته گه کیلگنی و یوقیش موضوع‌سی نی ایکینچیلیک، سووغاریش و چاروه‌چیلیک ریاستی بیلن شریک قیلگن‌لر؛ بیراق اولر گه کوره، مذکور ریاست اونینگ کنترول و آلدینی آأیش اوچون هیچ اقدام قیلمه‌گن.
شونده‌ی بیرحالده، ایکینچیلیک ایش بیلرمانلری نینگ ایتیشلریچه، باغدارلر گه اوسیم‌لیک آفتلر نینگ آلدی آلینیش زمینه‌سیده فنی تعلیم‌لر بیریلیشی کیرهک.
ایکینچیلیک ایش بیلرمانلریدن محمدرییس مخلص نینگ ایتیشیچه: «باغدارلر اوچون اینگ اونملی نرسه، باغ و باشقه محصول‌لری نینگ پاک قالیشی دیر. اوتگن ییل‌دن قالگن هر نرسه نینگ چیقریلیب و باغ‌دن اوزاق بیر ییرده کویدیریلیشی و توپراق آستی بولیشی کیرهک.»
شونینگدیک پکتیا ایکینچیلیک سووغاریش و چاروه‌چیلیک ریاستی مسئوللری نینگ ایتیشلریچه، اوتگن ییل گه قره‌گنده اوسیم‌لیک آفتلری کوپه‌یگن و مذکور ولایت‌ده آلمه حاصلاتی گه زیان ییتکزیب و ایکینچیلر گه زیان ییتیشتیرگن. اولر نینگ کوپه‌یتیریشلریچه، آفتلر آلدی آلینیشی اوچون باغدارلر گه باغ‌لردن سقلش خصوصیده فنی تعلیم و مصلحت بیریلیشی کیرهک.
بیزلرنینگ «ایکس» ترماغی ده هم تعقیب قیلینگ!
پکتیا ایکینچیلیک ریاستی ده باغدارلر عمومی مدیری سنگرمل نینگ ایتیشیچه، آفتلر نینگ کنترول قیلیش اوچون بیرینچیده بیولوژیکی پروسه‌لردن قوللنیش کیرهک و نتیجه بیرمه‌گنی صورت‌ده، کیمیاوی دارو‌لردن قوللنیش لازم. «دایم باغدارلر گه فیزیکی و مکانیکی پروسه‌لردن قوللنیشلری نی ایتگن‌میز، آفتلر نینگ کنترول بولمه‌گنی صورت‌ده، اینگ سونگی حل یول صفتیده، دارو‌دن قوللنیش کیرهک؛ یعنی بیرینچیده قلمپیر، پیاز و سریمساق کبی فیزیکی پروسه‌لر و باشقه طریقه‌لردن مذکور آفتلر آلدی آلینیشی اوچون قوللنیشلری کیرهک.»
پکتیا ده باغدارلر نینگ کوپه‌یتیریشلریچه، باغ‌دارلیک اولر نینگ یالغیز درآمد منبعلری دیر که بو ییل اوسیم‌لیک آفتلر سبب، حاصللریدن کوپینچه‌سی اورته‌دن کیتیب و کوپینچه اقتصادی قیین‌چیلیکلر بیلن روپه‌ره بولگنلر.
