وزن کوپ‌لیگی ساغلیق خصوصیده بیر قیین‌چیلیک صفتیده بولگنی بیرحالده، غزنی ده عیاللردن قطاری‌نینگ ایتیشلریچه، سیمیزلیک‌دن اذیت چیکیب و وزن کمه‌یتیریش اوچون کوپینچه سعی‌وحرکت قیلگنلر؛ بیراق نتیجه بیرمه‌گن.
سیمیزلیک‌دن اذیت چیکه‌دیگن عیاللردن نازیه و سمیرا سلام‌وطندار بیلن اوتکزگن صحبت‌لریده، وزن کمه‌یتیریش مقصد کوپینچه سعی‌وحرکت قیلگن بولسه‌لرده، لیکن نتیجه بیرمه‌گنینی ایتگنلر.
بیزلرنینگ «ایکس» ترماغی ده هم تعقیب قیلینگ!
نازیه‌نینگ ایتیشیچه: «۳۵ یاشر‌مین؛ توی قیلگنیم‌دن بیش ییل بولگن؛ اوچ ییل‌دن بیری سیمریپ‌من؛ گرچند کیچه‌لر رژیم هم آله‌ر ایدیم، لیکن ینه هم سیمریپ‌من و بو وضعیت منی جوده‌یم قیغولنتیرگن. بیران حل یول بولگنی‌ده لطف قیلیب بیزلرگه هم ایتینگلر.»
شونینگدیک سمیرا‌نینگ ایتیشیچه: «ایکینچی باله‌م‌نی توغگنیم‌دن کییم سیمریدیم؛ هر آی وزنم کوپه‌یه‌دی؛ اوتگن ییل‌گه قره‌گنده بو ییل وزنم کوپه‌یگن. ایاغ‌لریم آغریدی؛ ایشله‌‌گینم پیتده، تیز چرچه‌یمن؛ سپورت قیلیش‌گه هم هیچ جای یوق.»
سیمیزلیک‌دن اذیت چیکه‌دیگن عیاللردن باشقه بیری مریم‌نینگ ایتیشیچه، کیلو کمه‌یتیریش اوچون دارو‌دن فایده‌لنه آلمه‌یدی.
اونینگ کوپه‌یتیریشیچه: «نیچه مرته شفاکار گه باردیم که اریغ بولیش اوچون بیران دارو بیرسین دیب؛ بیراق مخصوص بیر دارو‌لری یوق ایکن؛ کابل ده بیر شفاکاردن بیر نیچه‌ته دارو آلگن ایدیم که او هم نتیجه بیرمه‌دی. اوزیم هم سیمیزلیک‌‌نی ایستمه‌یمن. وزنم جوده‌یم کوپه‌یگن؛ عایله‌ده قریب برچه‌میز‌نینگ وزنی کوپ؛ بیلمه‌یمن ارثی می یا-ده باشقه بیران موضوع.»
غزنی ده‌گی شفاکارلردن محمداشرف صاحب‌زاده‌نینگ ایتیشیچه، عیاللر ایرکک‌لر گه قره‌گنده کوپراق سیمیزلیککه چلینه‌دیلر و تورلی‌خیل عامل‌لری بار.
بیزلرنینگ فیسبوک صحیفه‌میزگه باش اورینگ!
صاحب‌زاده‌نینگ کوپه‌یتیریشیچه: «بیرینچی‌ده عیاللرده هورمونی اوزگریشلر دیر؛ ایکینچی‌ده ایسه پی‌سی‌او، یعنی بیر تورلی قیین‌چیلیک دیر و اوچینچی‌ده ایسه ناتوغری آوقت‌لنیش دیر که کوپینچه آوقت ییب و یوریمه‌یدیلر. بولر‌نینگ عیاللرده سیمیزلیککه سبب بولیشی ممکن. عقیم بولگن عیاللر کوپراق سیمیزلیک خوفی آستیده قرار تاپه‌دی. شونینگدیک یخشی آوقت‌لنمسلیک دیر. اولر یاغی آز بولگن آوقت‌لردن فایده‌لنیب و آز آوقت‌لنیشلری کیره‌ک. ایرتنگ چاغی یوریب و اوی‌لریده بیر قطار حرکتلر‌نی انجام بیریشلری کیره‌ک.»
ایتیش کیره‌ک که، ایرکک‌لر آره‌سیده هم کوپینچه وزن آلیب سیمیز بولیش ممکن؛ بیراق عیاللر توغیش و فزیکی فعالیت‌لر بولمسلیک طفیلی بو کسل‌لیککه کوپراق چلینه‌دیلر که دایمی آزیق-آوقت رژیمی و سپورت قیلیش بیلن سیمیزلیک آلدی آلینیشی ممکن.
