«مرسی کورپس» نادولتی تشکیلاتی، کابل ده ییر آستی سوو منبعلریدن فایدهلنیش مقداری، طبیعی روشده تامینلنیش مقداریدن کوپ بولگنی و مذکور شهریدهگی سوو قودوقلرینینگ قریب یریمی قوریب قالگنیدن خبر بیرگن.
گاردین کوندهلیگی، ۱۷-جوزا، شنبه کونی اوشبو تشکیلاتدن نقل قیلیب گزارش بیریشیچه، سوودن فایدهلنیش امکانیتی کمهیب و اونینگ قیمتی کوپهیماقده. اوشبو تشکیلاتنینگ معلوماتی اساسیده، عایلهلردن بیر قطاری درآمدلریدن قریب ۳۰ فایزینی سوو ساتیب آلیشگه صرفلهیدیلر و اولرنینگ اوچدن ایکی قسمیدن کوپراغی سوو خرهجتی اوچون قرض آلگنلر.
بیزلرنینگ فیسبوک صحیفهمیزگه باش اورینگ!
شونینگدیک، «مرسی کورپس»نینگ یازیشیچه، افغانستان پایتختیده سوو افلاسلیگی کوپهیب و ییر آستی سوولردن قریب ۸۰ فایزیده یوقاری درجهده چیقیندی سوو، آرسنیک و شورلیک موجود.
ایچیملیک سوو کملیگی کابل یشاوچیلری اوچون ینگی بیر قیینچیلیک ایمس؛ بلکیم اولر ییللردن بیری بو قیینچیلیک بیلن روپهره دیر.
بیزلرنینگ «ایکس» ترماغی ده هم تعقیب قیلینگ!
حاضرگچه سوو و انرژی وزیرلیگی اوشبو گزارشگه عکسالعمل بیلدیرمهگن؛ بیراق بوندن آلدین کابل ده سوو کملیگی قیینچیلیگی حلی اوچون آز مدتلی و اوزاق مدتلی برنامهلری بارلیگینی ایتگن ایدی.
مذکور برنامهلردن بیری، کابل گه پنجشیر دریاسی سووینی انتقال بیریش ایدی که بو شهردهگی سوو کملیگی قیینچیلیگینی بیراز کمهیتیره آلهدی.
