کابل یشاوچیلریدن قطاری، ۱۰، ۲۰، ۵۰، ۱۰۰ و ۵۰۰ افغانی‌لیک پوللر نینگ حد‌دن تشقری ایسکیریب و اوتمس شکل گه کیلگنی‌دن شکایت قیلیب ایتیشلریچه، حاضرگچه ینگی چاپ بولگن ۱۰ و ۲۰ افغانی‌لیک پوللر، یشاوچیلر گه توزیع بولمه‌گن.
کابل شهری ده دکان‌دارلر نینگ ایتیشلریچه، ینگی چاپ بولگن پوللر حاضرگچه بازار گه ساتیلمه‌گن و اهالی ینگی چاپ بولگن ۱۰ و ۲۰ افغانی‌لیک پول‌لرنی المشتیریش اوچون کوپ قیین‌چیلیک بیلن روپه‌ره بولیب و بانکلر آز پول نی المشتیره‌دی.
بیزلرنینگ فیسبوک صحیفه‌میزگه باش اورینگ!
کابل شهری ده دکان‌دارلردن بیری عبدالودود نینگ ایتیشیچه: «ایسکیرگن پوللر بیلن کوپ قیین‌چیلیککه روپه‌ره‌میز. مشتری‌لر کوپ جنجال قیله‌دی، ایسکیرگن پوللر کوپه‌یگن و حاضر ایسه اوتمس هم بولگن، انه شوو سبب هیچ کیم آلمه‌یدی.»
باشقه تاماندن، سرکلر اوستیده‌گی صراف‌لردن قطاری نینگ ایتیشلریچه، دولتی و خصوصی بانکلر ینگی چاپ بولگن ۱۰ و ۲۰ افغانی‌لیک پوللر نی صراف‌لر اختیاری گه قرار بیرمه‌یدی و اولر اوشبو پوللر نی شهزاده سرایی‌دن آلیش گه مجبورلر یا که اوشبو پوللر شهزاده سرایی‌ده سرکلر اوستیده‌گی صراف‌لری گه ساتیله‌دی.
کابل شهری ده سرکلر اوستیده‌گی صراف‌لردن بیری رحمت نینگ ایتیشیچه: «ینگی پول صراف گه ییتیشگنی پیتده، ۴ یا-ده ۵ قول بوله‌دی. اهالی‌دن توپلگنیمیز پول نی ارزان آله‌دیلر. بیر مینگ نی شهزاده سرایی‌ده ۱۲ یوز افغانی آلیش گه مجبورمیز. شونینگدیک اهالی گه ساتگنی‌میز پیتده، ۱ مینگ‌دن کمیده ۱۰۰ یا-ده ۵۰ افغانی فایده آله‌میز.»
بیراق مرکزی بانک مسئوللری، ینگی پوللر آلیب-ساتیلیشی نی رد قیلیب ایتیشلریچه، بانک‌لرده ایسکیرگن پوللر ینگی پول بیلن عادی روشده المشتیریله‌دی.
بیزلرنینگ توییترده هم تعقیب قیلینگ!
مرکزی بانک سوزلاوچیسی حسیب نوری نینگ ایتیشیچه: «یشاوچیلر ایسکیرگن ۱۰ و ۲۰ افغانی پول‌لری نی مرکزی بانک نماینده‌لیک‌لری و سوداگرلیک بانک‌لردن المشتیره‌آله‌دیلر و بو توغریده هیچ قنده‌ی فیس و کمیشن آلینمه‌یدی. وطن‌داشلریمیز کمیشن بیرمه‌سینلر و تیزلیککه ۵۰ و ۱۰۰ افغانی ترقه‌تیلیشی هم باشلنه‌دی و بو پروسه دوامی دیر.»
ایتیش کیره‌ک که، اسلام امیر‌لیگی حاکمیتیدن کیین، مملکت‌ده بانکدارلیک توزومی کوپینچه قیین‌چیلیکلر بیلن روپه‌ره دیر، ایسکیرکن پوللر بازارلرده کوپه‌یب و یشاوچیلر نینگ تنقیدی گه سبب بولگن؛ بیراق ایکی هفته آلدین مرکزی بانک ینگی چاپ بولگن ۱۰ و ۲۰ افغانی‌لیک پول نی المشتیریش جریانینی باشله‌گن.