تخار ایکینچیلیک، سووغاریش و چاروهچیلیک ریاستی، اوشبو ولایت رستاق تومنیده انترکس «کویدیرگی»، کسللیگینینگ بیر موردی ثبت بولگنیدن خبر بیرگن.
تخار ایکینچیلیک ریاستینینگ چاروهچیلیک آمریتی معلوماتی اساسیده، رستاق تومنینینگ «تولکی» قیشلاغیده، بیریریم یاشر بیر باله اوشبو کسللیککه چلینیب و کوز ساحهسیگه یره تاپیلگنی سبب، حاضر ولایتی کسلخانهده بستری دیر.
تخار ایکینچیلیک، سووغاریش و چاروهچیلیک ریاستی، اوشبو کسللیک عاقبتلریدن خواطر بیلدیریب، مذکور کسللیک ترقهلیشی آلدی آلینیشی اوچون یشاوچیلر و چاروهدارلردن، چاروهچیلیک و ساغلیقنی سقلش مرکزلری بیلن جدی شکلده همکارلیک قیلیشلرینی ایستهگن.
بو ریاستنینگ اورغولشیچه، شبهلی چاروهلرنینگ سوییلمسلیگی و اولرنینگ گوشتیدن فایدهلنیلمسلیگی، تلف بولگن حیوانلرنینگ درست شکلده کومیلیشی، بازارلرده کسل چاروهلر ساتیلمسلیگی، اهالی آگاهیلیگی آشیریلیشی و چاروهلر واکسین بولیشی برنامهلری عملگه آشیرلیشی، اوشبو کسللیکنینگ اورتهدن کیتیشی بوییچه اینگ اونملی یوللردن حسابلنهدی.
انترکس، انسان و حیوان آرهسیدهگی قوشمه کسللیکلردن بولیب و سونگی ییللرده، تخار ولایتینینگ بیر قطار منطقهلریده بیر خواطرگه اَیلنگن.
