بیرلشگن ملتلر تشکیلاتی، «خلقارا بالهلرسرطان کونی» مناسبتی بیلن، هر ییلی بیر یاشدن ۱۹ یاشگچه بولگن ۴۰۰ مینگ باله و اوسمیر سرطان کسللیگیگه چلینیشینی بیلدیردی.
اوشبو اداره، بوگون (۲۶ دلو/۱۵ فبروری، یکشنبه) ایکس صحیفهسیده بیر بیانیه ترقهتیب، میه سرطانی، قان سرطانی و باشقه قتیق سرطان کسللیگی، بالهلر آرهسیده اینگ کینگ کوزهتیلهیاتگن سرطان تورلریدن بولگنینی ایتگن.
بیرلشگن ملتلر تشکیلاتی بای بهدولت مملکتلرده طبی امکانیتلردن فایدهلنیش سببلی، ۸۰ فایز سرطان گه چلینگن بالهلر دوالنماقدهلیگینی قوشیمچه قیلگن.
اوشبو تشکیلات گه کوره، درآمدی آز یا کی اورته بولگن مملکتلر فقط ۳۰ فایز سرطان گه چلینگن بالهلرنی دوالهیدی.
بیرلشگن ملتلر تشکیلاتینینگ تأکیدلشیچه، درآمدی آز یا کی اورته بولگن مملکتلرده سرطان گه چلینگن بالهلر، طبی امکانیت یوقلیگی، تشخیص نتیجهسی کیچیکیشی، ساغلیق مرکزلر گه وقتیده ییتیب باره آلمسلیک و دوالنیشنی ترک ایتیش سببلی، حیاتلرینی یوقاتیشهدی.
اوشبو تشکیلاتنینگ معلوماتلریگه کوره، فقط ۲۹ فایز درآمدی آز بولگن مملکتلرده سرطان دارولری بار؛ بو رقم بای بهدولت مملکتلرده ۹۶ فایز دیر.
۱۵ فبروری، میلادی ۲۰۰۲ ییلده بالهلر سرطانی حقیده خبردارلیکنی آشیریش و اوشبو کسللیکه چلینگن بالهلرنی قوللب-قوتلش مقصدیده، خلقارا بالهلر سرطان کونی دیب اتهلدی.
