افغان قیزیل آی جمعیتی مسئوللری، بوگون (۱-حوت، چهارشنبه)، بو اداره‌نینگ سونگی فعالیت‌لری و یوتوقلرینی ارائه قیلیش اوچون اوتکزیلگن ییغیلیش‌ده ایتیشلریچه، اوتگن آلتی آیده کابل، ننگرهار، بلخ، هرات و قندوز ولایت‌لریده روحی کسللیککه چلینگن ۵ مینگ ۳۹۹ کیشی‌گه دوالنیش خذمتلری کورستیلیب و اولر ارا، ۱ مینگ ۸۹۶ کیشی دوالنیش‌دن کیین عایله‌لری‌گه قاوشگنلر.
بو توغریده اوشبو نهاد اورین‌باسری حافظ عزیز‌الرحمان‌نینگ ایتیشیچه: «روحی کسللیککه چلینگن ۵ مینگ ۳۹۹ ایرکک و عیال گه افغان قیزیل آی جمعیتی آرقه‌لی دوالنیش خذمتلری کورستیلدی. بو آره‌ده ۱ مینگ ۱۲۱ کیشی اوشبو اداره مرکزیلری و ۴ مینگ ۲۷۸ کیشی ایسه اوی‌لریده دوالنیش آستیده قرار تاپگن. مذکور کیشی‌لر آره‌‌سیدن ۱ مینگ ۸۹۶ کیشی دوالنیب و عایله‌لری‌گه قاوشگنلر.»
بیزلرنینگ «ایکس» ترماغی ده هم تعقیب قیلینگ!
جناب عزیز‌الرحمان گه کوره، حاضرگچه مملکت بویلب ۱۲۲ مینگ‌دن آرتیق تیلنچی تانیلیگن که اولر ارا، ایکی مینگ ۹۷۱ عایله مستحق بیلینیب و آیلیک شکلده نقدی یاردم قولگه کیلتیره‌‌دیلر. «اوتگن آلتی آیده ، بوندن آلدین تیلنچی‌لیککه یوز کیلتیرگن ۶۲۷ نیازمند عایله گه ۴ میلیون‌دن آرتیق افغانی ترقه‌تیلگن.»
شونده‌ی بیرحالده، افغان قیزیل آی جمعیتی سوزلاوچیسی مدثر همراز، یشاوچیلر‌نینگ نیازمندلیگی سانی توغریسیده بیللی بیر معلومات ارائه قیلمه‌ی و ایتیشیچه، انسان‌سیورلیک یاردم‌لر توغریسیده نیازمند‌لیک کوپه‌یماقده.
بیزلرنینگ فیسبوک صحیفه‌میزگه باش اورینگ!
جناب همرازنینگ کوپه‌یتیریشیچه: «افغانستان ده نیازمند‌لیک کوپ دیر، چونکه اوتگن ییل‌لرده اوروشلر دوام قیلگن و طبیعی آفتلر جمله‌دن زلزله‌لر و سوو تاشقین‌لر یوز بیرگن. یاردم‌لریمیز ییترلی ایمس و کوپینچه کیشی‌گه یاردم بیریلیشی توغریسیده سعی‌وحرکت قیله‌میز.»
شونینگدیک افغان قیزیل آی جمعیتی مسئوللری‌نینگ اورغولشیچه، اوتگن آلتی آیده قطر قیزیل آی جمعیتی همکارلیگی‌ده ۱مینگ ۱۷۲ سرپرست‌سیز عیال و ۱۵۰ نیازمند کیشی تیکووچیلیک، خامک‌دوزلیک و قالین توقیش توغریسیده تعلیم کورگنلر. بو برنامه کابل، قندهار، هلمند، فراه، فاریاب، بدخشان و بلخ ولایت‌لریده اوتکزیلگن.
