ایکّی قۉشنی افغانستان و ایران، بیر-بیری بیلن مناسبتی بولیشی گه قره‌مسدن انده-سنده چېگره قیینچیلیک‌لری بیلن روپه‌ره بوله‌دیلر و اسلام امیرلیگی حاکمیتیده ایکّی مملکت‌نینگ چېگره‌چیلری نیچه مراتبه توقنشگن.
بونگه قۉشیمچه، بوندن آلدین ایران رسمی‌لری انده-سنده افغانستان بیلن چېگره خوفسیزلیگیدن خواطر بیلدیرگن شونی اوچون بو مملکت بیلن چېگره حدودلرینی یاپیش گه باشله‌گن.
اسلام امیرلیگی مدافعه وزیرلیگی‌نینگ سرپرستی محمدیعقوب مجاهد و ایران‌نینگ افغانستان اوچون مخصوص وکیلی حسن کاظمی قمی اوچره‌شیب، ایکّی مملکت‌نینگ چېگره خوفسیزلیگی آشیریلیشینی محاکمه قیلگنلر.
بیزلرنینگ فیسبوک صحیفه‌میزگه باش اورینگ!
ایران‌نینگ کابل‌ده‌گی ایلچیخانه‌سی ایکس صحیفه‌سیده بیر بیانیه ترقه‌تیب یازیشیچه: «افغانستانده ایران اسلامی جمهوریتی باشلیغی‌نینگ مخصوص وکیلی و ایلچیخانه سرپرستی کاظمی قمی جنابلری، افغانستان مدافعه وزیرلیگی سرپرستی مولوی محمدیعقوب مجاهد جنابلری بیلن اوچره‌شووده، چېگره کمیسارلری کېلیشووی عملگه آشیریلیش جریانی و چېگره‌لر خوفسیزلیگی آشیریلیشی محاکمه قیلینگن.»
شو بیلن بیرگه، ایش بیلرمانلر ایکّی مملکت اۉرته‌سیده چېگره خوفسیزلیگی حل اېتیلیشینی، کابل و تهران‌نینگ اقتصادی و سیاسی همکارلیگینی کېنگه‌یتیریش اوچون اونملی بیله‌دیلر.
بیزلرنینگ «ایکس» ترماغی ده هم تعقیب قیلینگ!
خلق‌ارا مناسبت‌لر ایش بیلرمانی عبدالجبار اکبری‌نینگ سلام‌وطندار گه ایتیشیچه: «ایکّی مملکت چېگره‌لری خوفسیزلیگی خصوصیده سعی-حرکت قیلیشی کېره‌ک؛ چېگره‌لر خوفسیز بولسه، ایکّی مملکت‌نینگ قورقولری حل بولیب و قۉشمه اقتصادی ترقیات گه سبب بوله‌دی.»
باشقه تاماندن، ایش بیلرمانلر، افغانستان و ایران چېگره‌لری خوفسیزلیگی اوچون، ایکّی مملکت دولتلری صادق‌لیک بیلن حرکت قیلیش گه ایشانه‌دیلر.
سیاسی مسئله‌لر بیلرمانی محمدزلمی افغانیار گه کوره: «سرپرست حکومت‌نینگ اۉتگن اوچ ییلی‌ده مملکتلر ایشلری گه اره‌لشمسلیک و امنیت کوپراق بحث گه آلینگن. ایران بوتوغریده افغانستان گه ایشانچ بیره آله‌دیمی.»
بوندن آلدین، افغانستان و ایران چېگره مسئوللری، اۉتکزگن ییغیلیش‌لریده چېگره قیینچیلیک‌لری حقیده بحث اېتگنلر.
