سرپرست حکومت فواید عامه وزیرلیگی مسئوللری، بوگون (۲۴-دلو، چهارشنبه) حکومت یېتکرمهلری مرکزیده بو وزیرلیکنینگ بیر ییللیک یوتوقلرینی شریک قیلیش مناسبتی بیلن اوتکزیلگن ییغیلیشده، فواید عامه وزیرلیگی اوشبو قویاش ییلده یوزلرچه سرکنی توزهتیب و باشقه ۳۰۰ کیلومتردن کوپراق سرک توزهتیلماقدهلیگینی معلوم قیلگن.
فواید عامه وزیرلیگینینگ تخنیکی اورین باسری عبدالکریم فاتح گه کوره، مملکتنینگ تورلی ساحهلری اینیقسه ۲۰ کیلومتر دشت ارچی-قندوز سرکی، ۳۹ کیلومتر قندهار-اسپینبولدک سرکلری ایشی دوام اېتماقده.
بیزلرنینگ فیسبوک صحیفهمیزگه باش اورینگ!
اونینگ کوپهیتیریشیچه: «کابل-قندهار قتناو یولینینگ ۴۳۰ کیلومتر ایشی توگهگن و شمالدن جنوب گه حیرتان-اسپینبولدک ایکینچی دهلیز ایشی دوام اېتماقده و کېلهسی ییلی هم باشقه بولیملری ایشی باشلنیشی ممکن.»
فواید عامه وزیرلیگی مسئوللرینینگ ایتیشلریچه، بیرمینگ ۲۰۷ کیلومتر و بیرمینگ ۸۷ متر کوپریکنینگ تېکشیریش و دایزین ایشی توگهگن. اولرنینگ کوپهیتیریشیچه، بدخشانده واخان یولینینگ تېکشیریش و دایزین ایشی نهایی بولگن.
بیزلرنینگ «ایکس» ترماغی ده هم تعقیب قیلینگ!
اوشبو وزیرلیک سۉزلاوچیسی محمداشرف حقشناس گه کوره، اوشبو ییلنینگ اوتگن ۱۰ آییده حیرتان، آقینه، تورغندی و خواف-هرات تیمیر یوللری آرقهلی قریب اوچ میلیون ۵۰۰ مینگ متریک تُن سودا تواری انتقال بیریلگن.
شونینگدیک، فواید عامه وزیرلیگی مسئوللری «نورزی کانفیدنس» انشاآت و سرک توزیش شرکتی بیلن، بیر میلیارد ۴۰۰ میلیون افغانیلیک قیصا-لامان حلقهوی یولی بیشینچی بولیمیدن ۲۵ کیلومترنی قوریش شرطنامهسینی امضالهگن.
