بیرلشگن ملتلر تشکیلاتینینگ انسانسیورلیک یاردملرنی هماهنگ قیلووچی ادارهسی افغانستان بولیمی (اوچا)، خلقارا خاتین-قیزلر بیردملیک کونی مناسبتی بیلن ایتیشیچه، افغانستان دهگی عیاللر چیکلاولر بولگنی بیلن ینه هم جمعیتلریگه یاردم بیریشگه دوام بیرهدیلر.
اوشبو نهادنینگ بوگون (۱۷-حوت، یکشنبه)، اکس صحیفهسیده یازیشیچه، افغانستان ده جمعیتنینگ باشقه بولیملریگه یاردم بیرووچی عیاللرنینگ فعالیتی، قدرلنیشگه سزاوار دیر.
بیرلشگن ملتلر تشکیلاتینینگ انسانسیورلیک یاردملرنی هماهنگ قیلووچی ادارهسیگه کوره، یاردم بیرووچی عیاللر قوللب-قوتلنیشی و اولرنینگ سیسی مستحکملنیشی کیرهک.
۸-مارچ، ۱۹۷۵ ییل بیرلشگن ملتلر تشکیلاتی تامانیدن جنسیتی برابرلیک، کمسیتوچیلیک بیلن قرشی کورهش و عیاللر یوتوقلرینی قدرلش مقصدیده، خلقارا خاتین-قیزلر بیردملیک کونی صفتیده رسمیتگه تانیلگن.
