اسلام امیرلیگی صناعت و سوداگرلیک وزیرلیگی سرپرستی نورالدین عزیزی، ۳۰ کیشی‌لیک بیر هیئت ییتکچیلیگی‌ده، تورکیه گه کیتگن.
صناعت و سوداگرلیک وزیرلیگی، ۶-قوس، سه‌شنبه کونی اوز اکس صحیفه‌سیده بیر بیانیه ترقه‌تیش بیلن یازیشیچه، عزیزی «استانبول ده خلق‌ارا حلال ۲۰۲۴ کورگزمه‌سی»، گه شرکت قیلیش مقصد تورکیه گه سفر قیلگن.
اوشبو وزیرلیک‌نینگ کوپه‌یتیریشیچه، افغانستان نینگ ایچکی تولید‌لری و محصوللری هم استانبول ده خلق‌ارا حلال ۲۰۲۴ کورگزمه‌سی‌ده سکیز غرفه‌ده نمایش گه قوییله‌دی.
بیزلرنینگ «ایکس» ترماغی ده هم تعقیب قیلینگ!
بیانیه‌ده کیلیشیچه: «قالین، قیمت‌بها و یریم قیمت‌لی تاشلر، قوروق میوه‌لر و بانک‌دارلیک سکتوری‌ده افغانستان‌نینگ تولید‌لری و محصوللری، سکیز غرفه‌ده نمایش گه قوییله‌دی.»
صناعت و سوداگرلیک وزیرلیگی سرپرستی تورکیه گه سفر قیلیش جریانیده، اسلام امیرلیگی‌نینگ تورکیه آرقه‌لی اروپا بازارلریگه اقتصادی دهلیز ایجاد بولیشی خصوصیده سعی‌وحرکتی‌نی بیان قیلگن.
مذکور کورگزمه‌گه شرکت قیلگن افغانستان‌لیک سوداگرلردن قطاری‌نینگ ایتیشلریچه، خلق‌ارا کورگزمه‌لر گه شرکت قیلیش اولر‌نینگ محصوللری ساتیلیشی‌گه زمینه یره‌ته‌دی.
قالین سوداگرلریدن نوراحمد نوری‌نینگ ایتیشیچه: «اوشبو کورگزمه‌گه شرکت قیلیش بیزلر گه کوپ مهم دیر؛ چونکه افغانستان ده تولید بولگن قالین‌لردن ۹۰ فایزی تشقی گه صادر بوله‌دی و انه شوو سبب، محصوللریمیز اوچون کوپینچه مشتری تاپیلیشی ممکن.»
بیزلرنینگ فیسبوک صحیفه‌میزگه باش اورینگ!
اقتصادی مسئله‌لر بیلرمان‌لریدن ایرج فقیری‌نینگ ایتیشیچه، خلق‌ارا کورگزمه‌لر گه افغانستان‌نینگ شرکت قیلیشی، مملکت‌لر بیلن سوداگرلیک و اقتصاد مناسبت‌لر مستحکم‌لنیشی‌گه سبب بولیشی ممکن. «خلق‌ارا کورگزمه‌لر مملکت‌لر بیلن افغانستان سوداگرلیک علاقه‌لری مستحکم‌لنیشی اوچون مهم دیر؛ بو کورگزمه‌لر تاثیرچن دیر و افغانستان‌نینگ ایچکی محصوللری‌گه بازار تاپیلیشی گه یاردم بیره‌دی.»
۴۵ مملکت سوداگرلری تورت کون استانبول ده خلق‌ارا حلال ۲۰۲۴ کورگزمه‌سی‌ده محصوللری‌نینگ ۴۵۰ غرفه‌ده نمایش‌‌گه قویه‌دیلر.
اسلام امیرلیگی اوتگن اوچ ییل‌ده، ایچکی تولید‌لر‌نینگ قوللب-قوتلنیشی و اولر‌گه بازار قیدیریلیشی مقصد، قزاقستان شامل نیچه خلق‌ارا کورگزمه گه شرکت قیلگن.
