سودا و صناعت وزیرلیگی سرپرستی نورالدین عزیزی، چین و پاکستان نمانیدهلری بیلن اوچ تامانلمه ییغیلیشده، بو ایکی مملکت سودا وزیرلریدن رسمی بیر سفر ده کابل گه کیلیشلرینی تکلیف قیلگن.
مذکور ییغیلیش اوتگن کون کابل ده سودا و صناعت وزیرلیگی میزبانلیگیده، افغانستان اوچون چین و پاکستان مخصوص نمایندهسی و افغانستان ده اوشبو ایکی مملکت ایلچیلری جاو شینگ و عبدالرحمان نظامانی حضوری بیلن اوتکزیلگن.
بیزلرنینگ فیسبوک صحیفهمیزگه باش اورینگ!
سودا و صناعت وزیرلیگی، بوگون (۲۱-ثور، یکشنبه)، بیر بیانیه آرقهلی ایتیشیچه، اقتصادی همکارلیکلر مستحکملنیشی، سوداگرلیک علاقهلر کوچهیشی و سرمایه یاتقیزیلیشنینگ جلب بولیشی، بو ییغیلیشنینگ اصلی موضوعلریدن بولگن.
بو اوچرهشووده اوچ مملکت مسئوللری، افغانستان ده قوشمه صناعتی پارکلر ایجاد بولیشی، اقتصادی مخصوص زونلر آچیلیشی، صادرات بوییچه پروسس مرکزلری یولگه قوییلیشی، اوچ تامانلمه سودا کورگزمهلری اوتکزیلیشی، کیچیک و اورته تدبیرکارلیکلرنینگ قوللب-قوتلش مرکزلری آچیلیشی و اوچ تامانلنمه بانکی علاقهلر آسایشتهلیگی حقیده صحبت قیلگنلر.
بیزلرنینگ «ایکس» ترماغی ده هم تعقیب قیلینگ!
سونگی ییللرده پاکستان و اسلام امیرلیگی علاقهلری بیر قطار قیینچیلیکلر بیلن روپهره بولگن، بیراق چین بو مدتده، سرپرست حکومت بیلن یقین اقتصادی علاقهلرنی برقرار قیلیب و افغانستاننینگ کانلر و انرژی بولیملریده سرمایه یاتقیزگن.
