۳-دسمبر، خلق‌ارا ناگرانلر کونی، افغانستان ده ناگران کیشیلر حیات‌لری و جمعیت‌ده کوپینچه قیین‌چیلیک‌لر بیلن روپه‌ره بولگنلری بیرحالده، نشانلنه‌دی.
ناگران کیشیلردن قطاری، بوگون (یکشنبه، ۳-دسمبر/۱۲-قوس)، کابل ده «ضعیف و افغانستانلیک ناگرانلر بیرلشمه‌سی» آرقه‌لی یولگه قوییلگن بیر برنامه‌‌ده، اقتصادی و اجتماعی قیین‌چیلیک‌لریدن شکایت قیلیب و ایتیشلریچه، یشاوچیلر آرقه‌لی جمعیتدهگی یانده‌شوولر و ایش زمینه‌سی یره‌تیلمه‌سلیگی، اولر گه کوچسیزلیک تویغوسی نی انتقال بیرگن.
بیزلرنینگ فیسبوک صحیفه‌میزگه باش اورینگ!
۲۹ یاشر شکریه، ۲۰ ییل آلدین اویی گه راکت اوقی توشیشی نتیجه‌سیده، راست ایاغی و چپ کوزی نی قولدن بیرگن دیر. اونینگ ایتیشیچه، ناگران کیشیلر گه نسبت یشاوچیلر نینگ فرقلی یانده‌شووی، اونینگ زیریکتیریب و آزراق اویدن چیقیشی گه سبب بولگن.
بیلیم یورت طلبه‌سی بولمیش شکریه نینگ کوپه‌یتیریشیچه: «اهالی نینگ اچینیشی، بی‌جا افسوس قیلیش و بو ایشلر بیزلر گه منفی تأثیر قویه‌دی و افسرده‌لیککه سبب بوله‌دی؛ بو لایق بولمه‌گنیمیز نرسه دیر، لیکن جمعیت بیزلر نی روپه‌ره قیله‌دی. بو کبی یانده‌شوولر بیزلر نی ضعیف قیله‌دی.»
۲۵ ییل آلدین ماین بیلن توقنشگنی سبب، راست آیاغی نی قولدن بیرگن ۴۲ یاشر غلام‌بهاءالدین نینگ ایتیشیچه، ناگرانلر اوچون جمعیت‌ده آسایشته‌لیک‌لر یره‌تیلمه‌گنی حیات نی اولر گه قیین قیلگن.
اونینگ کوپه‌یتیریشیچه: «بو کبی یانده‌شیلگنی پیت، خفه بوله‌میز. بو قیین‌چیلیک بیر تامان‌دن، اقتصادی قیین‌چیلیک باشقه تامان‌دن بیزلر گه رنج بیره‌دی. ایکی یا-ده اوچ مینگ افغانی بیره‌دیلر که حیات خره‌جتی اوچون ییترلی ایمس؛ مین اوزیم نیچه آی‌دن بیری برق پولی‌دن قرض‌دار.»
کابل بیلیم یورتی بریل چیریغی باسمه‌خانه‌سی مدیرمسئولی حسیب‌الله ظهیر نینگ ایتیشیچه، ناگران کیشیلر حقوقی‌دن یشاوچیلر نینگ معلومات سطحی قویی بولگنی، ایش و تعلیم‌دن اولر نینگ محروم‌‌لیگی، اولر نینگ اینگ جدی خواطرلری گه اوزگرگن.
اونینگ کوپه‌یتیریشیچه: «ناگرانلر گه بورسیه‌میز یوق ایدی. چونکه ناگران بیر کیشی دولتی اداره‌ده آلینمه‌یدی؟ چونکه بیر اداره تورت قوتلی بولسه، ناگران کیشی بیر قوت‌دن یوقاری گه کیته آلمه‌یدی؛ چونکه لیفت یوق. کسل‌خانه‌لریمیز هم شو رقم، لوحه‌لر نینگ بریل چیزیغی یوق؛ شو نرسه‌لر گه نیازی‌میز بار.»
ضعیف و افغانستانلیک ناگرانلر بیرلشمه‌سی مسئوللری گه کوره، مملکت‌ده ۱۳.۹ فایز ناگران کیشیلردن، ۱۰ مینگ تهسی ساده ویلچر، بیش مینگ تهسی برقی ویلچر و ۱۵ مینگ تهسی عصا گه نیازلری بار.
عین حالده، شهیدلر و ناگرانلر ایشلری بوییچه وزیرلیگی سوزلاوچیسی فیصل خاموش، قانونی ایش یوزیگه ایشلش‌دن خبر بیره‌دی که اونینگ اساسیده، ناگران کیشیلر قیین‌چیلیگی حل و اولر دولتی نهاد‌لر گه آلینیشلری ممکن.
بیزلرنینگ «ایکس» ترماغی ده هم تعقیب قیلینگ!
اونینگ ایتیشیچه: «بیر قانون خصوصیده ایش نینگ دوامی بار. اونده بیر ماده نینگ قانونی بار که ناگران کیشیلر گه اوچ فایز هر دولتی اداره‌ده حق بیرسه‌لر و بو قانون قبول‌لنگنی صورت‌ده، هر اداره مجبور دیر. بونی یانیده، اولر نینگ قیین‌چیلیگی نی حل قیلیش و ایش زمینه‌سی نی یره‌تیش و اولر نینگ حقلری توللنیشی اوچون، سعی و حرکت قیله‌میز.»
شهیدلر و ناگرانلر ایشلری بوییچه وزیرلیگی آماری اساسیده، حاضر ۱۸۰ مینگ ناگران کیشی اوشبو وزیرلیک‌ده ثبت دیر که، توغمه و اوروشلر نتیجه‌سیده، تنه‌لریدن بیر عضوی نی قولدن بیرگن کیشیلر دیر.
