نیمروز محلی مسئوللری، اوشبو ولایت ده یوز بیرگن ترافیکی حادثه عاقبتیده اوچ کیشی اولیب و باشقه ۴۳ کیشی یره‌لنگنیدن خبر بیره‌دیلر.
نیمروز ولایتی ترافیک مدیریتی نینگ ترافیکی حادثه‌لرنی باشقریش مدیری سردار محمد رحیمی نینگ سلام‌وطندار گه ایتیشیچه، اوشبو واقعه سه‌شنبه کیچه، ۲۸-قوس، ساعت ۱۱:۰۰ اطرافی ده، زرنج_دلارام قتناو یولی ده، ۴۰۴، ۵۸۰ رسوملی موترلر و باشقه ایکی کیچیک موتر بیردن توقنشگنلری سبب یوز بیرگن.
بیزلرنینگ فیسبوک صحیفه‌میزگه باش اورینگ!
رحیمی جنابلری گه کوره، مذکور واقعه ده اوچ کیشی جان بیریب و باشقه ۴۳ کیشی یره‌لنگن.
او نینگ کوپه‌یتیریشیچه، واقعه طفیلی یره‌لنگنلر محل یشاوچیلری تامانیدن تورلی ولایت‌لر نینگ کسلخانه‌لری گه آلیب باریلیب و احواللری قانیقرلی دییلگن.
بیزلرنینگ «ایکس» ترماغی ده هم تعقیب قیلینگ!
ایتیش کیره‌ک، مملکت نینگ قطار ولایت‌لری جمله دن نیمروز ده، هیداوچیلر نینگ تیز هیده‌ش‌لری، دقت‌سیزلیگی و یوللر بوزوق‌لیگی باعث، انده-سنده بو کبی واقعه‌لر یوز بیریب و یشاوچیلردن قربان‌لیک آله‌دی.
