جمعیت‌نی رویخط گه آلیش اداره‌سی «ایش‌گه قرشی حق» نامیده ینگی بیر ریجه تیارله‌گن. اوشبو ریجه گه کوره، برقی کیم‌لیک ترقه‌تیش مرکزی نینگ ایشلاوچی‌لریگه هر بیر کیم‌لیککه ۵ افغانی پول بیره‌دی.
اوشبو اداره ایشلاوچی‌لری نینگ ینگی ریجه دن تنقید قیلیب ایتیش‌لریچه، ینگی ریجه عملگه آشیریلگن حالده، حقوق‌لری آزه‌یشی ممکن.
برقی کیم‌لیک ترقه‌تیش ادراه‌سی ایشلاوچی‌لریدن بیری نینگ کیم‌لیگی سیرقالیش‌نی ایسته‌ب ایتیشیچه، جمعیت‌نی رویخط گه آلیش اداره‌سی هیچ‌بیر زمان ایشلاوچیلر حقوقینی زمانی‌ده توللمه‌گن.
برقی کیم‌لیک ترقه‌تیش مرکزی ایشلاوچیسی نینگ ایتیشیچه، ینگی ریجه ایشلاوچی‌لرگه کوپینچه قیین‌چیلیک یره‌تگن. اونینگ سوزیگه کوره، کیم‌لیک توزیع بولمه‌گن صورتده، حقوق قولگه کیریته آلمه‌یدیلر.
اعتراضچی ایشلاوچی‌لرنینگ ایتیش‌لریچه، بیرینچیدن اوشبو قراردادنی امضا قیلمه‌گن‌لر، بیراق قراردادنی امضا قیلمه‌گن صورتده، باشقه ایشلاوچی آلینیشیدن قورقیتگنلر. اولرنینگ کوپه‌یتیریشیچه، اقتصادی قیین‌چیلیک‌لری بولگنی و ایش یوق‌لیگی باعث، قرارداد نی امضا قیلگن لر.
عین‌حالده، جمعیت‌نی رویخط‌گه آلیش اداره‌سی نینگ ایتیشیچه، اوشبو ینگی ریجه دن اصلی هدف ایش پروسه‌سینی تیزلنتیریش دیر.
اوشبو اداره سوزلاوچیسی رویینا شهابی نینگ ایتیشیچه، کیم‌لیک قولگه کیلتیریشنی ایسته‌یدیگن‌لرگه یخشی خذمت قیلیش اوچون “ایش‌گه قرشی حق” ریجه‌سی تیارلنگن.
