سرپل و زابل مسئوللری نینگ بیاناتی اساسیده، اوتگن ایکی کون جریانیده مذکور ایکی ولایت‌ده یوز بیرگن اَیری ایکی ترافیکی حادثه‌ده، عیال‌لر و باله‌لر شامل قریب ۷۰ کیشی اولیب و یره‌لنگن. بیرینچی ترافیکی حادثه، چهارشنبه کونی، ۱۷-جوزا، توش‌دن کیین سرپل نینگ صیاد تومنی‌ده «فلانکوچ» رسوملی بیر موتر نینگ چپه بولگنی نتیجه‌سیده یوز بیریب، کمیده ۲۴ کیشی اولیب و ایکی کیشی ایسه یره‌لنگن.
سرپل امنیه قوماندانلیگی سوزلاوچیسی دین‌محمد نظری نینگ سلام‌وطندار گه ایتیشیچه، مذکور حادثه نتیجه‌سیده، ۱۲ عیال، ۸ باله و ۴ ایرکک شامل ۲۴ کیشی اولیب و ایکی کیشی ایسه یره‌لنگن.
بیزلرنینگ فیسبوک صحیفه‌میزگه باش اورینگ!
سرپل امنیه قوماندانلیگی سوزلاوچیسی نینگ کوپه‌یتیریشیچه: «مذکور موتر سرک‌دن چیقیب وادی گه توشیب کیتگن که نتیجه‌ده، ۲۴ وطنداشی‌میز شهید بولدی. خوفسیزلیک کوچلری و شفا‌کارلر تیزلیک بیلن حادثه محلی گه باریب و اولگن و یره‌لنگنلر نی صیاد کسل‌خانه‌سی گه انتقال بیرگنلر.»
ایکینچی حادثه، اوتگن کون ایرتنگ چاغی زابل مرکزی قلات شهری اطرافیده ییرلشگن «پل‌سنگی» منطقه‌سیده، کابل-قندهار قتناو یولیده یوز بیرگن. مذکور حادثه «۵۸۰» رسوملی یولاوچی تاشوچی بیر موتر بیلن «مازدا» رسوملی بیر موتر نینگ توقنشووی سبب، یوز بیرگن که نتیجه‌ده، ۴۰ کیشی اولیب و یره‌لنگن.
زابل معلومات و مدنیت ریاست رئیسی رحمت‌الله حماد نیازی نینگ سلام‌وطندار گه ایتیشیچه، مذکور حادثه‌ده ۹ کیشی اولیب و ۳۱ کیشی ایسه یره‌لنگن. اونینگ کوپه‌یتیریشیچه: «مذکور حادثه ۵۸۰ رسوملی بیر موتر نینگ مازدا رسوملی بیر موتر بیلن توقنشووی سبب، یوز بیرگن که نتیجه‌ده، ۹ کیشی اولیب و ۳۱ کیشی یره‌لندی. خوفسیزلیک کوچلری اولگن و یره‌لنگنلردن برچه‌سی نی کسل‌خانه گه انتقال بیردیلر.»
بو کبی اولیم‌لی حادثه‌لر نینگ اصلی سببی نیمه دیر؟
ایچکی ایشلر وزیرلیگی ترافیک پولیس عمومی ریاستی نینگ پالیسی و ریجه‌لشتیریش مدیری عبدالودود خیرخواه نینگ سلام‌وطندار گه ایتیشیچه، مملکت‌ده ترافیکی حادثه‌لردن ۷۰ فایزی، هیداوچیلر نینگ احتیاط‌سیزلیگی سبب یوز بیره‌دی. اونگه کوره، مسلکی بولمه‌گن هیداوچیلر نینگ کوپه‌یگنی، سرک‌لر نینگ بوزوق‌لیگی و ترافیکی قانون-قاعده‌لر نینگ رعایت بولمه‌سلیگی، بو کبی حادثه‌لر نینگ اصلی عاملی دیر.
بیزلرنینگ توییترده هم تعقیب قیلینگ!
عبدالودود خیرخواه نینگ کوپه‌یتیریشیچه: «عمومی سرک‌لرده ترافیکی نشانه‌لر و لوحه یوق. سرک‌لر بوزوق، شونینگدیک هیداوچیلر هم تجربه‌سیز و قانون-قاعده‌لر نی رعایت قیلمه‌یدیلر. بو کبی حادثه‌لردن قریب ۷۰ فایزی نینگ سببی، اوشبو احتیاط‌سیزلیک دیر.»
ایچکی ایشلر وزیرلیگی ترافیک پولیسی نینگ عمومی ریاستی معلوماتی اساسیده، یالغیز جاری ییل نینگ ثور آیی‌ده مملکت بویلب ۳۳۸ ترافیکی حادثه یوز بیرگن که نتیجه‌ده، ۱۸۵ کیشی اولیب و ۴۹۹ کیشی ایسه یره‌لنگن.
