قاچقینلر قیینچیلیکلرینی حل قیلیش بوییچه عالی کمیسیونینینگ اعلام قیلیشیچه، ایران و پاکستان دن اوچ مینگ ۹۲۶ افغانستانلیک مملکت گه قیتریلگن.
اوشبو کمیسیون، بوگون (۱-جدی، دوشنبه)، اکس صحیفهسیده بیر بیانیه آرقهلی یازیشیچه، مذکور کیشیلر اوتگن کون هرات ده اسلامقلعه، نیمروز ده پل ابریشم، قندهار ده اسپینبولدک، ننگرهار ده تورخم و هلمند ده بهرامچه چیگره قتناو یوللری آرقهلی افغانستان گه قیتگنلر.
قاچقینلر قیینچیلیکلرینی حل قیلیش بوییچه عالی کمیسیونی، ایران و پاکستان دن قیتگن قاچقینلردن قطاریگه یاردم بیریلگنینی بیان قیلگن.
بوندن آلدین بیرلشگن ملتلر تشکیلاتی ترقیاتی دستوری، جاری میلادی ییلده ایران و پاکستان دن ایکی میلیون ۳۰۰ دن آرتیق افغانستانلیک قاچقیننینگ مملکت گه قیتریلگنینی معلوم قیلگن ایدی.
مذکور نهادگه کوره، اوشبو ایکی مملکتدن قاچقینلرنینگ قیتریلیشی، افغانستان ده اوی، ایش و ساغلیق خذمتلردن فایدهلنیش توغریسیده باسیملرنی کوپهیتیرگن.
