تورکیهنینگ استانبول شهریده و تخار ولایتی مرکزی تالقان شهریده شاعر، یازووچی و سیاست اربابی امیر علیشیر نوایی و بابریلر سُلاسهسینینگ اساسچیسی و ییرک سرکرده ظهیرالدین محمدبابرنینگ توغیلگن کونلریدن طنطنهلی تدبیرلر اوتکزیلیب نشانلندی.
استانبولده امیر علیشیر نوایی، ظهیرالدین محمدبابر و مخدومقلی فراغینی ایسلب تدبیر، دوستم بنیادی تشبثی و تورکستان ایللری اویوشمهسی یاردمی بیلن اوتکزیلدی.
بو تدبیرده، تورکیهده یشاوچی افغانستانلیک ییریک شخصیتلر، تیلسیور کیشیلر، استادلر و ژورنالیستلر اشتراک ایتگن ایدی.
شو بیلن بیرگه، تخار ولایتی مرکزی تالقان شهریده یاش فعاللر تشبثی بیلن تدبیر اوتکزیلیب و اونده شاعرلر و بیلیم همده تیل شیدالری اشتراک ایتگن ایدیلر.
تورکیه و تخارده اوتکزیلگن تدبیرده چیقیش قیلگن کیشیلر، ایکی بویوک عالمنینگ اوزلریدن قالدیرگن منگو اثرلرینینگ اهمیتی اوستیده توختهلیب، بو اثرلر تولیق اورگهنیلیشی توغریسیده تأکید قیلیشگن.
ایسلهتیب اوتهمیز، ۲۶ دلو/۱۵ فبروری، پایتخت کابل شهریده هم اوزبیکستان ایلچیخانهسی و فاریاب آیدین خصوصی لیسهسی تشبثی بیلن، ۹ فبروری، امیر علیشیر نوایی توغیلگنینینگ ۵۸۵ ییلی و ۱۴ فبروری ییریک سرکرده ظهیرالدین محمدبابر توغیلگنینینگ ۵۴۳ ییلی مناسبتی بیلن، بویوک متفکرلرنی ایسلب تدبیر اوتکزیلدی.
