افغانستاندi اوشبو میلادی ییلده بالهلر فلجی (پولیو) گه قرشی اېملش ایکّینچی کمپاینی، بوگون (۵-جوزا، دوشنبه) باشلندی.
اسلام امیرلیگی ساغلیقنی سقلش وزیرلیگی گه کوره، بو کمپاین تورت کونگچه دوام تاپیب و مملکت مقیاسیده بیش یاشنی تولدیرمهگن ۱۱ میلیون ۸۰۰ مینگ باله پولیو گه قرشی اېملنیشلری ممکن.
بو وزیرلیک سۉزلاوچیسی شرافت زمان امرخیل، اسلام امیرلیگی افغانستانده بو کسللیکنی بوتونلی یوق قیلیش اوچون سعی-حرکت قیلماقدهلیگینی اېتهدی.
بیزلرنینگ فیسبوک صحیفهمیزگه باش اورینگ!
امرخیل گه کوره، اوشبو کمپاینده، ایچکده یشاوچی قورتلرنی یوق قیلیش اوچون بالهلر گه مبندازول تابلیتلری بیریلهدی.
اوشبو میلادی ییلده بادغیس و هلمند ولایتلریده بالهلر فلجی ایکّی مثبت واقعهسی قید اېتیلگچ، بو کمپاین باشلنگن.
باشقه تاماندن، پولیو کمپاینی باشلنیش بیرینچی ساعتلریده بالهلرینی واکسین قیلگن کابل شهریدهگی عایلهلردن بعضیلری، عایلهلر بالهلری دایمی فلج بولمسلیگی اوچون اولرنی واکسین قیلیشنی سورهیدیلر.
قلعه فتحالله منطقهسی یشاوچیسی حنا، ایکّی یاشر بالهسینی واکسین قیلگن ایتیشیچه، پولیو واکسینی حقیده آنهلرنینگ ناتوغری ایشانچلری، بالهلرنی دایمی فلج بیلن روپهره قیلهدی. «آنهلر وقتیده بالهلرینی واکسین قیلسینلر، چونکه جوده هم مهم دیر؛ بعضی آنهلر بالهلری اوچون پولیو واکسینینی خوفلی بیلهدی، لېکن بو واکسین باله سلامتلیگی و کېلهجگی اوچون مهم دیر.»
بیزلرنینگ «ایکس» ترماغی ده هم تعقیب قیلینگ!
پولیو گه قرشی اېملش کمپاینی، افغانستان مقیاسیده اېندی سایتمهسایت عملی بولماقده؛ واکسین قیلووچیلردن بیرقطارینینگ ایشانچی گه کوره، بو ایش بوتون بالهلر واکسین بولمسلیگیگه سبب بولگن.
کابل شهریده واکسین قیلووچی فریبا کریمینینگ ایتیشیچه: «اویمه-اوی یخشی اېدی؛ چونکه اوی گه بارگنده باله بولمسه، ایرتهسی باردیک؛ اېندی هر اوچ اویده بیر سایت بار و بالهلر واکسیندن قالمسلیگی اوچون سعی-حرکت قیلهیپمیز، بیراق بالهلردن بعضیلری واکسیندن قالیشی ممکن.»
افغانستان و پاکستان، دنیا مقیاسیده بالهلر فلجی بوتونلی یوق بولمهگن مملکتلردن سنلهدی و خلقارا ساغلیقنی سقلش تشکیلاتینینگ معلوماتی اساسیده، اوشبو میلادی ییلده افغانستانده ۱۸ پولیو مثبت واقعهسی قید اېتیلگن.
