بیرلشگن ملتلر تشکیلاتیده افغانستاننینگ دایمی وکیلی، پاکستاننینگ ننگرهار و پکتیکا ولایتلریگه قیلگن هوا هجوملریگه جواباً، رسمی شکایتنی خوفسیزلیک کینگشی گه تاپشیرگن.
فایق، ایکس صحیفهسیده، اوشبو شکایتنی بوگون (۴ حوت/۲۳ فبروری، دوشنبه) بیرلشگن ملتلر تشکیلاتی خوفسیزلیک کینگشی گه تاپشیرگنینی یازگن.
پاکستان شنبه کیچه افغانستاننینگ ننگرهار و پکتیکا ولایتلریگه قیلگن هوا هجوملریگه جواباً خوفسیزلیک کینگشی گه شکایت قیلگنینی قوشیمچه قیلگن، بیرلشگن ملتلر تشکیلاتیده افغانستاننینگ دایمی وکیلی نصیراحمد فایق.
او شوندهی دیب یازگن: «بیز اوشبو قانونبوزرلیکنی تیزلیک بیلن توختهتیش، جوابگرلیکنی تأمینلش، توپراققه حرمت قیلیش، بیرلشگن ملتلر تشکیلاتی نظامی و خلقارا قاعده تولیق عملگه آشیریلیشنی طلب قیلهمیز.»
پاکستان، قویاش ۱۴۰۴ ییل، ۲ حوت، شنبه کیچه، ننگرهار و پکتیکا ولایتلرینینگ ایریم حدودلرینی اوچاق آرقهلی نشانگه آلدی و اونینگ نتیجهسیده عیاللر وبالهلر شامل بیرقطار تینچ اهالی اولیب و یرهلندی.
اسلام امیرلیگی مدافعه وزیرلیگی، اوشبو هجوملرنی قارهلب، «مناسب وقتده» پاکستان گه «ماس و اویلنگن» جواب بیریشی حقیده آگاهلنتیرگن.
بو هجوملر، یشاوچیلرنینگ کینگ مناسبت بیلدیریشی یانیده، سیاستچیلر و بیرقطار مملکتلرنینگ قرشیلیگی بیلن دوچ بولگن.
