سرپرست حکومت عالی اوقوو وزیرلیگی، ۳۰-دلو، سه‌شنبه کیچه، بیر بیانیه آرقه‌لی یازیشیچه، اوشبو وزیرلیک سرپرستی ندامحمد ندیم، افغانستان بوییچه اسلامی همکارلیک تشکیلاتی مخصوص وکیلی طارق علی بخیت و همراه هیئتی بیلن اوز ایش اداره‌سیده اوچره‌شگن.
مذکور اوچره‌شووده عالی اوقوو وزیرلیگی سرپرستی‌نینگ اسلامی همکارلیک تشکیلاتی مخصوص وکیلی‌گه ایتیشیچه: «افغانستان گه کیلگنینگیز و افغانستان ده‌گی وضعیت‌نی یقین‌دن کوزه‌تگنینگیز و بو مملکت‌نینگ حقیقی منظره‌سینی دنیاگه کورسته‌یاتگنینگیز اوچون خورسند‌من.»
بیزلرنینگ فیسبوک صحیفه‌میزگه باش اورینگ!
ندامحمد ندیم‌نینگ کوپه‌یتیریشیچه، تحصیلی نصاب اهالی‌نینگ حاضرگی نیازلرینی حل قیله آلمس ایدی و اونی «درست بیر شکلده» و «اسلامی و ملی ارزشلر» نینگ نظرگه آلیش بیلن قیته کوریب چیققنلر.
عالی اوقوو وزیرلیگی سرپرستی‌نینگ اورغولشیچه، افغانستان ده اسلام امیرلیگی‌نینگ قیته قدرت گه ایریشگنی‌دن کیین مملکت تحصیلی توزومی‌ده بیر قطار یوتوقلر قولگه کیلگن. اونینگ ایتیشیچه، اوقوو دستوری اسلامی تعلیم‌لر اساسیده شکل‌لنگن.
شونینگدیک ندامحمد ندیم‌نینگ ایتیشیچه، اسلام امیرلیگی دینی و زمانه‌وی بیلیم‌لر گه کوپ توجه قیله‌دی. «الحمد‌الله مملکت‌ده ا.ا توزومی‌نینگ قدرت گه ایریشگنی‌دن کیین، دینی و زمانه‌وی بیلیم‌لر آره‌سیده‌گی فاصله اورته‌دن آلینگن و بو توزوم‌نینگ هر ایکی بولیم‌گه توجه‌سی بار.»
شونده‌ی بیرحالده، افغانستان بوییچه اسلامی همکارلیک تشکیلاتی‌نینگ مخصوص وکیلی‌گه کوره، تورلی ساحه‌لرده افغانستان اهالی‌سی بیلن همکارلیک قیله‌دی. اونینگ ایتیشیچه، بو تشکیلات ۵۷ اسلامی مملکت نماینده‌لیگی‌گه فعالیت قیله‌دی.
شونینگدیک ۲۹-دلو، دوشنبه کونی طارق علی بخیت، تشقی ایشلر وزیرلیگی سرپرستی امیرخان متقی بیلن اوچره‌شیب و اسلامی همکارلیک تشکیلاتی‌نینگ افغانستان وضعیتی حقیده مستقل و حقیقت‌لر اساسیده قرار آلیشینی بیان قیلگن.
بیزلرنینگ «ایکس» ترماغی ده هم تعقیب قیلینگ!
مذکور اوچره‌شووده امیرخان متقی، افغانستان وضعیتی‌نینگ تشقی ییتکرمه‌لر آرقه‌لی ترقه‌تیله‌دیگن نرسه‌لردن فرقلی بولگنینی اَیتیب و تشقی تامان‌لر‌نینگ حقیقتنی کوریشلری توغریسیده امید‌وارلیک قیلگن.
افغانستان بوییچه اسلامی همکارلیک تشکیلاتی‌نینگ مخصوص وکیلی، کابل ده حضورلری بارلیگی معناسی‌نی باشقه‌لر کوزی بیلن ایمس بلکیم اوز کوزلری بیلن حقیقتنی کوریش دیب جواب بیرگن.
