سوداگرلیک و سرمایه یاتقیزیش اتاق مسئوللری بوگون (دوشنبه، ۱۱-جدی)، کابل ده مطبوعاتی ییغیلیش ده ایتیشلریچه، سرپرست حکومت خصوصی سکتور دن بیر میلیارد ۸۰۰ میلیون دالر قرضدار دیر.
سوداگرلیک و سرمایه یاتقیزیش اتاق اورین باسری یونس مهمند، خصوصی سکتور قرض‌لری توله‌نیش جریانی باشله‌نیشینی خوش‌قرشی لسه ده، بیراق بو پول تیکشیریلیش دن کیین مستحق کیشی‌لر گه توله‌نیشنی ایسته‌یدی.
او نینگ کوپه‌یتیریشیچه: «قریب بیر میلیارد ۸۰۰ میلیون دالر بوله‌دی، بو پوللر مستحق کیشی‌لر گه بیریلیش گه امید بیلدیره‌میز، قطار لایحه‌لر مالیه وزیرلیگی تامانیدن ایشی عملگه آشیریلگنی یا که عملگه آشیریلمه‌گن‌لیگی انیقلنیشی کیره‌ک.»
بیزلرنینگ فیسبوک صحیفه‌میزگه باش اورینگ!
ایکینچیلیک و چاروه‌چیلیک اتاق مسئوللری نینگ ایتیشلریچه، حکومت تامانیدن خصوصی سکتور قرض‌لری توله‌نیشی، اولکه ده اقتصاد رواجلنیشی گه سبب بوله‌دی.
ایکینچیلیک و چاروه‌چیلیک اتاق باشلیغی خان‌محمد فروتن گه کوره: «سابق دولت بیلن قراردادی بولگن کمپنیه‌لر نینگ تامینات و کفالت پوللری دولت اوستیگه قالگن ایدی و اولر نینگ قرض‌لری توله‌نیلیشی یخشی آدیم دیر و مملکت نینگ اقتصادی رواجلنیشی گه سبب بوله‌دی.»
مملکت سوداگرلریدن عبدالستار نینگ ایتیشیچه، ایکی ییل دن بیری سرپرست حکومت قرض‌لرینی توله‌مه‌گن.
او سرپرست حکومت دن، کفالت و تامینات پول آلمسلیگینی سوره‌یدی. «سرپرست حکومت سوداگرلر نینگ پولینی تولش گه قرار قیلگن و قرض پوللریمیزنی تولب و بیزلردن باشقه کفالت و تامینات پول سوره‌مسلیک‌لرینی ایسته‌یمیز.»
بیزلرنینگ «ایکس» ترماغی ده هم تعقیب قیلینگ!
عین‌حالده، مالیه وزیرلیگی مسئوللری، بودجوی ۵۱ نهاد دن حاضرگچه ۲۶ ته‌سی تانیلگن و قرض‌لری توله‌نیشینی معلوم قیله‌دیلر.
مالیه وزیرلیگی سوزلاوچیسی احمدولی حقمل نینگ ایتیشیچه، اوشبو ییل یکونیگچه مذکور ۲۶ نهاد نینگ ۱۰ فایز قرض‌لری توله نیله‌دی.
او نینگ کوپه‌یتیریشیچه: «۵۱ بودجودی نهاد بار و حاضرگچه ۲۶ نهاد نینگ قرضی بارلیگی انیقلنگن و پروسه دوام ایتماقده و مالیه وزیرلیگی تامانیدن تصدیقلنگن حالده، پول تولش رویخط گه آلینیله‌دی.»
ایتیش کیره‌ک، بوندن آلدین ییغیلیش اوتکزگن خصوصی سکتور اتفاق مسئوللری، خصوصی کمپنیه‌لر نینگ قرض‌لری وقتیده تولنمسلیگی باعث خصوصی کمپنیه‌لر نینگ ۲۵ فایزی کسادلیککه یوز توتگنینی ایتگن ایدیلر.
