اسلام امیرلیگی تشقی ایشلر وزیرلیگی سرپرستی امیرخان متقی، کابلده ایران ایلچیسی علیرضا بیکدلی بیلن اوچرهشووده، بو مملکتده افغانستانلیک قاچقینلر جبری چیقریلهیاتگنیدن خواطر بیلدیریب و اولرنینگ باسقیچمه-باسقیچ و ترتیبلی روشده چیقریلیشینی اېستهگن.
اسلام امیرلیگی تشقی ایشلر وزیرلیگی، ۵-سرطان، پنجشنبه بیر بیانیه ترقهتیب، ایککی تامان کوپراق قاچقینلرنینگ چیقریلیش مسئلهسی حقیده بحث قیلگنینی یازگن.
بیزلرنینگ «ایکس» ترماغی ده هم تعقیب قیلینگ!
اوشبو وزیرلیکنینگ ایتیشیچه، متقی یازنینگ جزیرمه ایسیغیده قاچقینلرنینگ گروهی شکلده چیقریلهیاتگنیدن خواطر بیلدیریب و ایران ایلچیسیدن بو خواطرلرنی اسلامی جمهوریت رسمیلری بیلن شریک قیلیشینی سورهگن.
متقینینگ تأکیدلشیچه، افغانستانلیک مهاجرلرنینگ قیتیریلیشی «یخشی قۉشنیچیلیک» تمایلینی انابت گه آلیب و «ترتیبلی همده باسقیچمه-باسقیچ» آرقهلی عملگه آشیریلیشی کېرهک، شونده هر ایککی دولت مهاجرلر و اولرنینگ انتقال بیریش بیلن باغلیق معمالرنی حل قیله آلهدی.
بونگه جوابن، ایران ایلچیسی علیرضا بیکدلی، مهاجرلر مسئلهسینی تهراندهگی اسلامی جمهوریت رسمیلری بیلن شریک قیلیشینی و بو معمالرنی حل اېتیش اوچون جدی چارهلر کوریلیشیدن ایشانچ بیلدیرگن.
بیزلرنینگ فیسبوک صحیفهمیزگه باش اورینگ!
سۉنگی هفتهلرده، ایراندن افغانستانلیک مهاجرلرنینگ قیتریش جریانی کوچهیگن بیرحالده، بوندهی بیانات بیریلماقده.
هرات محلی رسمیلری، یالغیز اوتگن ایککی کون ایچیده، ۶۰ مینگ افغانستانلیک مهاجر ایراندن چیقریلیب و هرات گه کېلگنینی معلوم قیلهدیلر.
