پاکستان آرقه‌لی ۱۴-جدی، جمعه کونی ایرته‌لب خوست‌نینگ بیر قطار بولیم‌لری گه راکته هجوم‌لر اویوشتیریلگنی‌دن کیین، اوشبو مملکت باش وزیری شهباز شریف، بیر بیانیه آرقه‌لی ایتیشیچه، پاکستان اوشبو مملکت‌گه قرشی هجوملرنی ریجه‌لشتیره‌دیگن افغانستان توپراغی‌ده‌گی تهدیدلر گه جواب قیترگن و جواب قیتریشی ممکن.
پاکستان باش وزیری اوشبو مملکت پایتختی اسلام‌آباد ده اوتکزیلگن «ملی ریجه مرکزی کمیته‌سی» ییغینی‌ده، پاکستان طالب‌لر تحریکی هجوملری گه اشاره قیلیب، اولر گه قرشی رواجلنگن جهازلردن فایده‌لنیش بیلن کیره‌کلی اقدام‌لر گه تاکید قیلگن. «چیگره اوتامانی‌ده‌گی هجوم گه جواب بیردیک و جواب بیریشی‌میز ممکن. اولر‌نینگ زمانی یکون‌لنگن. دشمن هدفی‌نی خنثا قیلیش اوچون پولیس ظرفیتی آشیریلماقده. اوروش‌ده زمانه‌وی تکنولوژی‌دن فایده‌لنیشی‌میز کیره‌ک.»
بیزلرنینگ «ایکس» ترماغی ده هم تعقیب قیلینگ!
عین حالده، سیاسی ایش بیلرمانلر‌نینگ ایتیشلریچه، پاکستان اساس‌سیز بیانات و اقدام‌لر بیلن، منطقه‌ده کیسکین‌لیک‌لرنی کوپه‌یتیره‌دی. سیاسی ایش بیلرمانلردن کامران امان و خلیلاحمد نادم‌نینگ ایتیشلریچه، پاکستان افغانستان برابریده دشمن‌لیک یانده‌شوو بیلن خلق‌ارا منفعت‌لر گه ییتیشیش اوچون سعی‌وحرکت قیلماقده.
کامران امان‌نینگ کوپه‌یتیریشیچه :«قیغو بیلن پاکستان اوز ایچکی قیین‌چیلیکلرینی افغانستان بوینیگه تشلماقچین و منطقه بیلن دنیا گه کورستماقچین که پاکستان ده‌گی برچه ایچکی ثبات‌سیزلیک سببی افغانستان دیر. حقیقت‌ده پاکستان‌‌نینگ ایچکی قیینچیلیگی دیر. ۱۷-۱۸ گروپ پاکستان دولتی‌ده گه دخیل بولیب و هر گروپ اوزینی مستقل بیله‌دی.»
خلیلاحمد نادم‌نینگ کوپه‌یتیریشیچه: «پاکستان ۴۵ ییل‌دن بیری افغانستان‌نینگ ایچکی مسئله‌لری‌گه اره‌لشه‌دی. اسلام امیرلیگی‌نینگ قدرت گه ایریشگنی بیلن ینه هم افغانستان‌نینگ ایچکی مسئله‌لری‌گه اره‌لش اوچون سعی‌وحرکت قیله‌دیلر. بو پروژه‌لری اوچون منطقه و دنیا‌دن پول آلماقچین‌لر.»
بیزلرنینگ فیسبوک صحیفه‌میزگه باش اورینگ!
شونینگدیک اسلام امیرلیگی تشقی ایشلر وزیرلیگی‌نینگ سیاسی اورین‌باسری شیرمحمد عباس استانکزی، جمعه کونی اکس صحیفه‌سیده یازیشیچه، پاکستان اسلام امیرلیگی کوچلری‌نینگ سونگی «قصاص آلیش» اقدام‌لریدن درس آلیشی کیره‌ک.
ایتیش کیره‌ک که، یقین‌ده پاکستان حربی‌سی‌نینگ پکتیکا ولایتی برمل تومنی‌گه هجوم قیلیب، ۵۰ کیشی‌نینگ اولیب و اونلب کیشی‌نینگ یره‌لنگنی‌دن کیین، اسلام امیرلیگی کوچلری دیورند چیزیغی او تامانی‌گه هجوم اویوشتیرگن.
