اسلام امیرلیگی حاکمیتیدن قریب ایکی ییل اوتسه ده؛ بیراق دنیا همجمعیت نینگ ظاهری روشده تلاش‌لری بیلن، افغانستان ده حاضر هم سیاسی، اقتصادی و انسان حق‌لری وضعیتی بحرانلی دیر.
خلق‌ارا مناسبت‌لر ایش بیلرمان‌لریدن بیرقطاری نینگ ایتیشلریچه، بیرلشگن ملتلر تشکیلاتی افغانستان ده‌گی بحران حلی اوچون قدرتلی مملکت‌لر نینگ منفعتی و سیاست‌لری اساسیده عمل قیله‌دی، شونی اوچون افغانستان ده‌گی قیینچیلیک‌لر حاضرگه قدر حل بولمه‌گن.
خلق‌ارا مناسبت‌لر ایش بیلرمانی محمود اضطرابی گه کوره، بیرلشگن ملتلر تشکیلاتی ایریم موردلرده افغانستان قیینچیلیکلرینی حل قیلیش اورنیده، امریکا نینگ منفعت‌لرینی ایزله‌یدی.
بیزلرنینگ فیسبوک صحیفه‌میزگه باش اورینگ!
او نینگ ایتیشیچه: «بیرلشگن ملتلر تشکیلاتی، افغانستان ده‌گی قیینچلیک‌لرنی حل قیلیش اورنیده کوپراق قدرتلی مملکت‌لر نینگ منفعتی و سیاستی اساسیده عمل قیله‌دی.»
جناب اضطرابی نینگ ایشاnنچی گه کوره، بیرلشگن ملتلر تشکیلاتی مستقل بولمه‌گونچه موجود بحران‌لرنی حل قیله آلمه‌یدی.
عین‌حالده، خلق‌ارا مناسبت‌لر ایش بیلرمان‌لریدن باشقه بیری سیدضیا حسینی نینگ ایتیشیچه، افغانستان ده بیرلشگن ملتلر تشکیلاتی نینگ رولی تأثیرچن ایمس‌لیک اصلی سببی، قدرتلی مملکت‌لر نینگ منفعتی و سیاستی اساسیده عمل قیلیشی دیر.
او نینگ کوپه‌یتیریشیچه: «بیرلشگن ملتلر تشکیلاتی امریکا و باشقه مملکت‌لر کبی اولکه‌لر نینگ سیاستی اساسیده عمل قیله‌دی. افغانستان قیینچیلیکلرینی حل قیلیش اورنیده قیینچیلیک‌لرنی آرتیرگن. البته بوتوغریده ییغیلیش اوتکزیشگن، لیکن نهایی قرار آلیش اوچون زمان کیره‌ک.»
شو بیلن بیرگه، حقوقی ایش بیلرمانلر نینگ ایشانچی گه کوره، اسلام امیرلیگی حکومتی تن آلینمسلیگی باعث بیرلشگن ملتلر تشکیلاتی افغانستان وضعیتی گه اونچه‌لیک دقت قیلمه‌یدی.
اولر نینگ ایتیشلریچه، حاضرگی سیاسی، اقتصادی، انسان حق‌لری وضعیتیدن قوتیلیش یگانه یول، ملی مذاکره و اولکه رهبرلری نینگ واحد بیر قرار گه کیلیش‌لری دیر.
بیزلرنینگ توییترده هم تعقیب قیلینگ!
باشقه تاماندن، اولکه یشاوچیلری بیرلشگن ملتلر تشکیلاتی نینگ نتیجه‌سیز تلاش‌لریدن تنقید قیلیب ایتیشلریچه، مذکور تشکیلات سونگی قریب ایکی ییل ده، افغانستان ده بحران حلی اوچون جدی اقدام قیلمه‌گن.
اولر گه کوره، بیرلشگن ملتلر تشکیلاتی افغانستان ده طرف‌سیز عمل قیلمه‌ی و افغانستان خلقی نینگ حقوقینی تأمینلش اورنیده، قدرتلی مملکت‌لر نینگ سیاستی اساسیده عمل قیله‌دی
ایتیش کیره‌ک که، بیرلشگن ملتلر تشکیلاتی افغانستان ده‌گی بحران‌لرنی حل قیلیش اوچون نیچه مرته منطقه‌وی و خلق‌ارا ییغیلیش یولگه قویگن و بو کبی سونگی ییغیلیشی، اوشبو ییل نینگ ثور آی ده قطر نینگ دوحه شهری ده یولگه قوییلدی.
