مرغاب تومنی مسووللری نینگ ایتیش‌لریچه، اوشبو تومن، دولت‌یار تومنی نینگ «سمک» منطقه‌سیده جایلشگن ملی اردو بیر پوسته‌سیدن مدیریت قیلینه‌دی.
مرغاب تومنی ولسوالی محمد کبیری نینگ سلام‌وطندارگه ایتیشیچه، بو تومن نینگ مرکزی بیللی بولمه‌گنی باعث، تومن ایش‌لری فیروزکوه شهری نینگ شمالیده جایلشگن ملی اردو پوسته‌سیدن مدیریت بوله‌دی.
جناب کبیری گه کوره، ملی اردو پوسته‌سیدن ایش‌لش زور دیر و ایش‌لرینی یخشی شکلده انجام بیره آلمه‌یدیلر.
شونینگدیک، غور یشاوچی‌لری نینگ ایتیش‌لریچه، حکومت بو تومن مرکزینی فیروزکوه شهری نینگ شمالیده انتقال بیرگن، بیراق مذکور منطقه‌ده ملی اردو حربی‌لریدن باشقه هیچ‌کیم حیات کیچیرمه‌یدی.
عین‌حالده، غور ولایتی کینگش اعضاسی عبدالحمید ناطقی نینگ ایتیشیچه، تومن اهالی‌سی محلی حکومت‌دن فایده‌لنیش امکانیتی‌گه ایگه بولمه‌گن.
بو توغریده غور محلی مسووللری فکرینی آلیش اوچون سعی و حرکت قیلدیک، بیراق موفق بولمه‌دیک.
غور ولایتی نینگ مرغات تومنی اوتگن ییل جوزا آی ده مملکت جمهور رئیسی محمد اشرف غنی نینگ فرمانی اساسیگه تشکیل تاپگن، بیراق حاضرگه‌قدر بو تومن مرکری تعیین لنمه‌گن.